മൂന്നാർ പള്ളിവാസൽ ഭാ​ഗത്ത് ഉരുൾപൊട്ടൽ; കല്ലും മണ്ണും നിറഞ്ഞ് റോഡുകൾ; മൂന്നാറിലേക്കുള്ള യാത്ര നിരോധിച്ചു, പ്രദേശവാസികൾ ജാ​ഗ്രത പാലിക്കണമെന്ന് നിർദേശം

ഇടുക്കി: മൂന്നാർ പള്ളിവാസൽ ഭാ​ഗത്ത് ഉരുൾപൊട്ടൽ. റോഡുകൾ പൂർണമായും തകർന്നു. മൂന്നാറിലേക്കുള്ള ​ഗതാ​ഗതം തടസപ്പെട്ടു. ഉരുൾ പൊട്ടിയെത്തിയ പാറകഷ്ണങ്ങളും മണ്ണും റോഡിൽ നിറഞ്ഞിരിക്കുകയാണ്.

മൂന്നാർ എസ്എച്ച്ഒ രാജൻ കെ അരമനയുടെ നേതൃത്വത്തിൽ പൊലീസ് സംഘം സ്ഥലത്ത് ക്യാമ്പ് ചെയ്ത് ​ഗതാ​ഗതം പുനഃസ്ഥാപിക്കുകയും രക്ഷാപ്രവർത്തനങ്ങൾക്ക് നേതൃത്വം നൽകുകയുമാണ്.

പ്രദേശവാസികൾ ജാ​ഗ്രത പാലിക്കണമെന്നും ഇതുവഴിയുള്ള രാത്രി യാത്ര ഒഴിവാക്കണമെന്നും അധികൃതർ മുന്നറിയിപ്പ് നൽകി. വിനോദസഞ്ചാരികൾക്കും യാത്ര വിലക്ക് ഏർപ്പെടുത്തിയിട്ടുണ്ട്.