ശബരിമല കേസിൽ തിങ്കളാഴ്ച മുതൽ വാദം തുടങ്ങുമെന്ന് ചീഫ് ജസ്റ്റിസ് എസ് എ ബോബ്ഡേ

സ്വന്തം ലേഖകൻ

ഡൽഹി: ശബരിമല കേസിൽ തിങ്കളാഴ്ച മുതൽ വാദം തുടങ്ങുമെന്ന് ചീഫ് ജസ്റ്റിസ് എസ് എ ബോബ്ഡേ. വിശാല ബെഞ്ചിന്റെ പരിഗണന വിഷയങ്ങൾ തിങ്കളാഴ്ചയ്ക്കകം തീരുമാനിക്കും.

ശബരിമല വിശാല ബെഞ്ചിന്റെ വാദങ്ങൾ പത്ത് ദിവസത്തിനകം പൂർത്തിയാക്കണമെന്ന് ചീഫ് ജസ്റ്റിസ് ഇക്കഴിഞ്ഞ ചൊവ്വാഴ്ച്ച വ്യക്തമാക്കിയിരുന്നു. എന്നാൽ വാദത്തിന് 22 ദിവസത്തെ സമയം ആവശ്യപ്പെടാനായിരുന്നു അഭിഭാഷകരുടെ യോഗത്തിൽ തീരുമാനിച്ചിരുന്നത്.

എന്നാൽ യോഗത്തിന് ശേഷമുള്ള സാഹചര്യങ്ങൾ രാവിലെ സോളിസിറ്റർ ജനറൽ തുഷാർ മേത്ത അറിയിച്ചപ്പോഴാണ് വാദത്തിന് 10 ദിവസത്തെ സമയം മാത്രമെന്ന് ചീഫ് ജസ്റ്റിസ് മറുപടി നൽകിയത്.