മിൽമ പാലിന്റെ വില വർധനവ് ഇന്നു മുതൽ പ്രാബല്യത്തിൽ

സ്വന്തം ലേഖിക

തിരുവനന്തപുരം: മിൽമ പാലിന് വില വർധിപ്പിച്ചത് ഇന്നുമുതൽ നിലവിൽ വരും. മഞ്ഞക്കവർ പാലിന് (ഡബിൾ ടോൺഡ്) അഞ്ചുരൂപയും മറ്റ് കവറിലുള്ള പാലിന് നാലു രൂപയുമാണ് വർധന. പുതിയ വില രേഖപ്പെടുത്തിയ കവർ ലഭ്യമാകുന്നതുവരെ പഴയ വില രേഖപ്പെടുത്തിയ പാക്കറ്റുകളാകും വിപണിയിലെത്തുന്നത്.

കാലിത്തീറ്റയുടെയും മറ്റ് ഉൽപാദനോപാധികളുടെയും വില ഗണ്യമായി വർധിച്ച സാഹചര്യത്തിലാണ് പാലിൻറെ വിലയും വർധിപ്പിക്കേണ്ടി വന്നതെന്നാണ് മിൽമയുടെ വിശദീകരണം. വർധിപ്പിച്ച തുകയിൽ 84 ശതമാനവും ക്ഷീര കർഷകർക്ക് നൽകുമെന്നും മിൽമ അറിയിച്ചിട്ടുണ്ട്.