മുൻ വിധിയോടുകൂടി സർക്കാരിനെ കാണുന്ന നിലപാട് എൻഎസ്എസ് തിരുത്തണം : എംഎം മണി

സ്വന്തം ലേഖിക

തിരുവനന്തപുരം: സംസ്ഥാനത്തെ ഉപതെരഞ്ഞെടുപ്പിൽ ഇടതുപക്ഷത്തിന് ഉജ്ജ്വല മുന്നേറ്റമാണുണ്ടായതെന്ന് സർക്കാരിനുള്ള മുന്നറിയിപ്പാണ് ഈ തെരഞ്ഞെടുപ്പ് ഫലം എന്നാണ് എംഎം മണി പറയുന്നത്.

എന്നാൽ യഥാർഥത്തിൽ സർക്കാരിനെതിരെ ഇല്ലാത്ത വിവാദങ്ങളുണ്ടാക്കുന്ന പ്രതിപക്ഷത്തിന്റെ നിലപാടിനാണ് ഈ മുന്നറിയിപ്പെന്നും എംഎം മണി കൂട്ടിച്ചേർത്തു.

തെരഞ്ഞെടുപ്പിന് മുന്നോടിയായി എൻഎസ്എസ് പരസ്യമായി വോട്ടുപിടിച്ചതിന്റെ ഫലം മറുഭാഗത്തുണ്ടാകുമെന്ന് അവർ കരുതിയില്ല. എന്നാൽ ഇക്കാര്യം അവർ മുൻകൂട്ടി കാണേണ്ടതായിരുന്നു. തെരഞ്ഞെടുപ്പിൽ അതാണ് പ്രതിഫലിച്ചതെന്നും അവർ സർക്കാരിനോടുള്ള നിലപാട് മാറ്റണമെന്നും മണി വ്യക്തമാക്കി.

എൻഎസ്എസിനോട് ഞങ്ങൾക്ക് യാതൊരു പ്രശ്നവുമില്ല.മുൻവിധിയോടുകൂടി സർക്കാരിനെ കാണുന്ന നിലപാട് എൻഎസ്എസ് തിരുത്തുന്നത് നല്ലതാണെന്നും തെരഞ്ഞെടുപ്പിൽ എന്തുകൊണ്ടാണ് ഇടതുപക്ഷ മുന്നണിക്ക് ഒരു സീറ്റ് നഷ്ടപ്പെട്ടതെന്ന് പരിശോധിക്കുമെന്നും മന്ത്രി പറഞ്ഞു.