കൊവിഡ് ലോക്ക് ഡൗൺ ദിവസം വിൽപ്പനയ്ക്കായി വ്യാജ ചാരായം നിർമ്മാണം: ചീപ്പുങ്കൽ ഭാഗത്തു നിന്നും ഒരാൾ അറസ്റ്റിൽ

തേർഡ് ഐ ബ്യൂറോ

Link

Embed

Copy and paste this HTML code into your webpage to embed.

കോട്ടയം: സമ്പൂർണ ലോക്ക് ഡൗൺ ദിവസങ്ങളിൽ വ്യാജ ചാരായം വിൽപ്പനയ്ക്കായി കോട കലക്കി സൂക്ഷിച്ചയാളെ പൊലീസ് പിടികൂടി.
ചീപ്പുങ്കൽ ഭാഗത്തു മഞ്ചിറയിൽ വീട്ടിൽ സുമേഷി(55) നെയാണ് അറസ്റ്റു ചെയ്തത്. ഇയാളിൽ നിന്നു 35 ലിറ്റർ കോടയും പോലീസ് പിടിച്ചെടുത്തു.

വെസ്റ്റ് പൊലീസും ജില്ലാ പോലീസ് മേധാവിയുടെ ലഹരി വിരുദ്ധ ടീമായ ഡാൻസാഫ് അംഗങ്ങളും ചേർന്നു നടത്തിയ റെയ്ഡിലാണു പ്രതി പിടിയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

എസ്.ഐ. ടി.ശ്രീജിത്ത്, എസ്.ഐ മാത്യു, ജില്ലാ പൊലീസ് മേധാവിയുടെ ലഹരി വിരുദ്ധ സ്‌ക്വാഡിലെ സിവിൽ പൊലീസ് ഓഫിസർമാരായ പ്രതീഷ് മാത്യു, അജയകുമാർ, അനീഷ്, നവീൻ, അനസ്, ജിയോ, രാജീവ് എന്നിവർ ചേർന്നാണ് പരിശോധന നടത്തിയത്.