സ്വന്തം ലേഖകൻ
തിരുവനന്തപുരം: എഡിജിപി എം ആര് അജിത്കുമാറിനെതിരെ ഉയര്ന്ന ആരോപണങ്ങളില് ഘടകക്ഷികള്ക്ക് കടുത്ത അതൃപ്തി നിലനില്ക്കെ എല്ഡിഎഫ് യോഗം ഇന്ന് തിരുവനന്തപുരത്ത്.
മൂന്ന് മണിക്ക് എകെജി സെന്ററിലാണ് യോഗം.അജിത്കുമാറിനെ മാറ്റണമെന്ന നിലപാടിലാണ് സിപിഐയും ആര്ജെഡിയും. മലപ്പുറത്ത് അന്വര് ഉന്നയിച്ച ആരോപണങ്ങള് കണക്കിലെടുത്ത് ജില്ലയിലെ എസ്പിയേയും ഡിവൈഎസ്പിമാരെയും സ്ഥലം മാറ്റിയിരുന്നു.
ഉന്നയിക്കപ്പെടുന്ന ആരോപണങ്ങളില് പരിശോധനക്ക് ശേഷം സര്ക്കാര് നടപടികള് സ്വീകരിക്കുന്നുണ്ടെന്ന് മുഖ്യമന്ത്രി യോഗത്തെ അറിയിച്ചേക്കും.
Whatsapp Group 1 | Whatsapp Group 2 |Telegram Group
അജിത്കുമാറിനോട് മുഖ്യമന്ത്രി മൃദുസമീപനം തുടരുന്നതില് സിപിഎം നേതൃത്വത്തില് തന്നെ വിയോജിപ്പുകളുണ്ട്. ഇപി ജയരാജനെ കണ്വീനര് സ്ഥാനത്ത് നിന്ന് മാറ്റുകയും ടി പി
രാമകൃഷ്ണനെ ഇടതുമുന്നണി കണ്വീനറാക്കുകയും ചെയ്ത ശേഷമുള്ള അദ്യ യോഗമാണിന്ന്. ആർഎസ്എസ് നേതാവിനെ എഡിജിപി സന്ദർശിച്ചതുമായി ബന്ധപ്പെട്ട വിവാദ വിഷയങ്ങൾ ചർച്ച ചെയ്യപ്പെട്ടേക്കാം.
