തിരുവനന്തപുരം: തുടര്ച്ചയായി മൂന്നാം തവണയും സംസ്ഥാനത്ത് അധികാരത്തിലെത്തുകയെന്ന ലക്ഷ്യവുമായി തിരഞ്ഞെടുപ്പ് പ്രചാരണത്തിന് തുടക്കമിട്ട് എല്ഡിഎഫ്.
പിണറായി 3.0 യാഥാര്ത്ഥ്യമാക്കാനായി വോട്ട് ചോദിക്കുന്നതിനുള്ള പരസ്യവാക്യമാണ് സമൂഹമാദ്ധ്യമ ഹാന്ഡിലുകള് വഴി സിപിഎം പുറത്തിറക്കിയത്. ‘മറ്റാരുണ്ട് എല്ഡിഎഫ് അല്ലാതെ’ എന്നതാണ് 2026 നിയമസഭാ തിരഞ്ഞെടുപ്പിനുള്ള പാര്ട്ടിയുടെ പ്രചാരണ വാക്യം.
2016ല് ‘എല്ഡിഎഫ് വരും എല്ലാം ശരിയാകും’ എന്നും 2021-ല് ‘ഉറപ്പാണ് എല്ഡിഎഫ്’ എന്നതുമായിരുന്നു ഇടതുമുന്നണിയുടെ ഹിറ്റ് മുദ്രാവാക്യങ്ങള്.
Whatsapp Group 1 | Whatsapp Group 2 |Telegram Group
സംസ്ഥാന സര്ക്കാര് കഴിഞ്ഞ പത്ത് വര്ഷം നടത്തിയ വികസന പ്രവര്ത്തനങ്ങളെ ഉള്ക്കൊള്ളിച്ചുള്ള വീഡിയോയും പുറത്തിറക്കിയിട്ടുണ്ട്. നടി ഭാവനയാണ് സര്ക്കാരിന്റെ നേട്ടങ്ങള് വിവരിക്കുന്ന വീഡിയോയിലെ പ്രധാന വേഷം ചെയ്തിരിക്കുന്നത്.
നടി മഞ്ജു വാര്യര് ഉള്പ്പെടെയുള്ള പ്രമുഖര് സമൂഹമാദ്ധ്യമങ്ങളില് ഈ വീഡിയോ പങ്കുവച്ചിട്ടുമുണ്ട്. സെറ്റല്ലേ… നമ്മളീ യാത്ര തുടരും എന്ന വാക്കുകളോടെയാണ് വീഡിയോ അവസാനിക്കുന്നത്.
