കെഎസ്ഇബി ഇലക്ട്രിക് പോസ്റ്റുകളുടെ നിർമ്മാണത്തിൽ നടക്കുന്നത് കോടികളുടെ അഴിമതി; വാഹനമിടിച്ചും , മറ്റും ഒടിഞ്ഞു പോകുന്ന പോസ്റ്റുകൾ മാറിയിടുന്നതിനായി കെഎസ്ഇബി ഈടാക്കുന്നത് 30,000 രൂപ വരെ; പോസ്റ്റുകൾ നിർമ്മിക്കുന്നത് ആവശ്യത്തിന് സിമൻ്റും കമ്പിയും ചേർക്കാതെ; പരിശോധിക്കാൻ കെഎസ്ഇബിയിൽ സംവിധാനങ്ങളില്ല; നടക്കുന്നത് കോടികളുടെ തട്ടിപ്പ്

സ്വന്തം ലേഖകൻ

കോട്ടയം: കെഎസ്ഇബി ഇലക്ട്രിക് പോസ്റ്റുകളുടെ നിർമ്മാണത്തിൽ നടക്കുന്നത് കോടികളുടെ അഴിമതിയെന്ന് ആരോപണം.

വാഹനമിടിച്ചും മറ്റും ഒടിഞ്ഞു പോകുന്ന പോസ്റ്റുകൾ മാറിയിടുന്നതിനായി കെഎസ്ഇബി പോസ്റ്റിൻ്റെ വിലയായി ഈടാക്കുന്നത് 30,000 രൂപ വരെയാണ്.

മഴക്കാലമായതോടെ വ്യാപകമായിട്ടാണ് മരങ്ങൾ ഒടിഞ്ഞു വീണും വാഹനങ്ങൾ തട്ടിയും പോസ്റ്റുകൾ ഒടിഞ്ഞ് വീഴുന്നത്. ഈ പോസ്റ്റുകൾ കെഎസ്ഇബി നിർമ്മിക്കുന്നത് ആവശ്യത്തിന് സിമൻ്റും കമ്പികളും ചേർക്കാതെ യാതൊരു ഗുണനിലവാരവുമില്ലാതെയാണ് എന്നാണ് ആരോപണം.

പരിശോധിക്കാൻ കെഎസ്ഇബിയിൽ സംവിധാനങ്ങളുമില്ല. ഇത്തരം പോസ്റ്റുകളിലൂടെ ലൈൻ കമ്പികൾ വലിക്കുന്നതിലൂടെ ജനങ്ങളുടെ ജീവന് തന്നെ ഭീഷണിയാവുകയാണ്.
ഇതിൻ്റെ പിന്നിൽ നടക്കുന്നത് കോടികളുടെ തട്ടിപ്പാണ്.