കോഴിക്കോട്: ബംഗളൂരുവിലേക്ക് യാത്ര ചെയ്യുന്നതിനിടെ ബസ് കാറിന് പിറകില് ഇടിച്ചുണ്ടായ അപകടത്തില് ഗുരുതരമായി പരിക്കേറ്റ യുവാവ് മരിച്ചു. കാക്കൂര് സ്വദേശി ഇയ്യംകോട്ടുമ്മല് വീട്ടില് അഭിജിത്ത് (20) ആണ് മരിച്ചത്. മൈസൂരുവിലെ സ്വകാര്യ ആശുപത്രിയില് ചികിത്സയിലിരിക്കെയായിരുന്നു അന്ത്യം.
കഴിഞ്ഞ തിങ്കളാഴ്ച പുലര്ച്ചെ മണ്ഡ്യ ജില്ലയിലെ ബുദ്ധന്നൂരിലാണ് അപകടം സംഭവിച്ചത്. നാട്ടില്നിന്ന് ബംഗളൂരുവിലേക്ക് ജോലിക്കായി മടങ്ങുന്നതിനിടെയായിരുന്നു അപകടം. ബംഗളൂരു ഇലക്ട്രോണിക് സിറ്റിയിലെ ചന്ദാപുരയില് പ്രവര്ത്തിക്കുന്ന മൊബൈല് ഫോണ് കടയില് ടെക്നീഷ്യനായിരുന്നു അഭിജിത്ത്.
