തൊടുപുഴ: കുളിക്കാനിറങ്ങിയ ഗൃഹനാഥന് പുഴയിലെ ഒഴുക്കില്പ്പെട്ടു മരിച്ചു. തൊടുപുഴ മണക്കാട് കീച്ചേരില് (സൗപര്ണിക) മോഹന്ദാസാണ് (69) തൊടുപുഴയാറിലെ ഒഴുക്കില്പ്പെട്ടു മരിച്ചത്.
ഇന്നലെ രാവിലെ ഫയര്ഫോഴ്സിന്റെ സ്കൂബാ ടീമാണ് മൃതദേഹം കണ്ടെത്തിയത്. ചൊവ്വാഴ്ച വൈകുന്നേരം ഏഴോടെയാണ് വീടിനു സമീപം തൊടുപുഴയാറിലെ കടവില് കുളിക്കാന് പോയ മോഹന്ദാസ് ഒഴുക്കില്പ്പെട്ടത്.
ഏറെ നേരം കാണാതായതിനെത്തുടര്ന്ന് വീട്ടുകാര് നടത്തിയ അന്വേഷണത്തില് ഇദ്ദേഹം പോയ സ്കൂട്ടറും വസ്ത്രങ്ങളും കടവിനു സമീപം കണ്ടെത്തി. ഇതോടെ അഗ്നിരക്ഷാ സേനയെ വിവരമറിയിക്കുകയായിരുന്നു.
Whatsapp Group 1 | Whatsapp Group 2 |Telegram Group
സ്റ്റേഷന് ഓഫീസര് ബിജു പി. തോമസിന്റെ നേതൃത്വത്തില് ഉടന് പുഴയില് തെരച്ചില് നടത്തിയെങ്കിലും കണ്ടെത്താനായില്ല. ഇന്നലെ രാവിലെ മുതല് സ്കൂബാ ടീം അംഗങ്ങള് നടത്തിയ തെരച്ചിലിലാണ് മണക്കാട് ക്ഷേത്രത്തിനു സമീപത്തെ കടവില്നിന്നു മൃതദേഹം കണ്ടെത്തിയത്.
തൊടുപുഴ ജില്ലാ ആശുപത്രിയില് പോസ്റ്റ്മോര്ട്ടത്തിനു ശേഷം മൃതദേഹം ബന്ധുക്കള്ക്കു വിട്ടു നല്കി. സംസ്കാരം നടത്തി. ഭാര്യ സുജയ (ആധാരം എഴുത്ത് ഓഫീസ് തൊടുപുഴ). മക്കള്: അനന്തു, അഞ്ജിത (ദുബായ്). മരുമകന്: അമല് (ദുബായ്).
