സ്വന്തം ലേഖിക
കോട്ടയം: പാമ്പാടി ഏഴാം മൈലിൽ നാല് പേരെ ആക്രമിച്ച നായ ചത്തു.
പാറയ്ക്കല് വീട്ടില് നിഷാ സുനില്, കൊച്ചു പറമ്പില് സുമി കെ വര്ഗീസ്, പതിമൂന്ന് വയസുള്ള ഫെബിന്, രാജു എന്നിവര്ക്കാണ് നായയുടെ കടിയേറ്റത്.
ഇന്ന് വൈകിട്ട് മൂന്നരയോടു കൂടിയായിരുന്നു നായയുടെ ആക്രമണം.
Whatsapp Group 1 | Whatsapp Group 2 |Telegram Group
വീട്ടുമുറ്റത്ത് നിന്ന നിഷ ഇവരുടെ മുറ്റത്തേക്ക് നായ കയറിവരുന്നത് കണ്ട് അടുക്കളയില് കയറി. ഇവിടെവച്ച് നായയുടെ കടിയേൽക്കുകയായിരുന്നു. തൊട്ടടുത്ത വീട്ടിലെ പതിമൂന്നു വയസുകാരന് ഫെബിന് ഉറങ്ങിക്കിടക്കുകയായിരുന്നു. ഫെബിനെയും പാഞ്ഞുവന്ന നായ കടിച്ചു.
നിഷയെ നായ കടിച്ച വിവരമറിഞ്ഞ് ആശുപത്രിയിലേക്ക് കൊണ്ടുപോകുന്നതിനായി എത്തിയ വാഹനത്തില് വന്നിറങ്ങിയതായിരുന്നു സുമി. വീട്ടിലേക്ക് നടക്കുകയായിരുന്നു സുമിയെ പിന്നാലെ എത്തിയ നായ കടിക്കുകയായിരുന്നു. രാജുവിനും വഴിയിലൂടെ നടക്കുന്നതിനിടയിലാണ് നായയുടെ കടിയേറ്റത്.
നാട്ടുകാര് നാല് പേരെയും കോട്ടയം മെഡിക്കല് കോളേജ് ആശുപത്രിയില് എത്തിച്ചു. ഓടിപ്പോയതിനാല് നായക്ക് പേവിഷബാധയുണ്ടെന്ന അഭ്യൂഹം ശക്തമാണ്. ഇത് സ്ഥിരീകരിച്ചിട്ടില്ലെങ്കിലും കണ്ട് നിന്നവര് കടിച്ചത് പേപ്പട്ടിയെന്ന് ഉറപ്പിക്കുകയായിരുന്നു.
