കോട്ടയം നഗരമധ്യത്തിൽ ആകാശപാതയ്ക്ക് താഴെ കാറും ലോറിയും കൂട്ടിയിടിച്ചു

സ്വന്തം ലേഖകൻ

കോട്ടയം: നഗരമധ്യത്തിൽ ആകാശപാതയ്ക്ക് താഴെ കാറും ലോറിയും കൂട്ടിയിടിച്ച് അപകടം.

നാഗമ്പടം ഭാഗത്ത് നിന്ന് കെ എസ് ആർ ടി സി ഭാഗത്തേക്ക് പോയ ലോറിയിൽ റൗണ്ടാന ചുറ്റി വന്ന കാർ ഇടിക്കുകയായിരുന്നു.

റൗണ്ടാന മറികടന്ന് മുന്നോട്ട് പോയ ലോറിയുടെ ടയറിലാണ് കാർ ഇടിച്ചത്. കാർ അമിത വേഗതയിൽ റൗണ്ടാന ചുറ്റി പോവുകയായിരുന്നെന്ന് ദൃക്സാക്ഷികൾ പറഞ്ഞു.

അപകടത്തിൽ ആർക്കും പരിക്കില്ല. കൺട്രോൾ റൂം പോലീസ് സ്ഥലത്തെത്തിയിട്ടുണ്ട്.