കോട്ടയം പുളിമൂട് ജംങ്ഷനിൽ നടപ്പാതയിൽ തമിഴ്നാട് സ്വദേശിയായ യുവാവിനെ മരിച്ചനിലയിൽ കണ്ടെത്തി; വിഷം കഴിച്ച് മരിച്ചതാണെന്ന് പ്രാഥമിക നി​ഗമനം; വെസ്റ്റ് പോലീസ് അസ്വാഭാവിക മരണത്തിന് കേസെടുത്തു

സ്വന്തം ലേഖകൻ

കോട്ടയം: തിരുനക്കര പുളിമൂട് ജംഗ്ഷനിൽ തമിഴ്നാട് സ്വദേശിയായ യുവാവിനെ കട തിണ്ണയിൽ മരിച്ചനിലയിൽ കണ്ടെത്തി.

തമിഴ്നാട് പെരിയകുളം വടുതപ്പെട്ടി സ്വദേശി ബദന സ്വാമി പാണ്ടി(28)യെയാണ് മരിച്ച നിലയിൽ കണ്ടെത്തിയത്.

വിഷം കഴിച്ചതാണ് മരണമെന്ന് പ്രാഥമിക നിഗമനം. സംഭവത്തിൽ കോട്ടയം വെസ്റ്റ് പോലീസ് അസ്വാഭാവിക മരണത്തിന് കേസെടുത്തു .മൃതദേഹം കോട്ടയം ജനറൽ ആശുപത്രി മോർച്ചറിയിൽ.