കുറ്റിക്കാട്ടുവളവിൽ ഇറങ്ങും മുമ്പ് ബസ് മുന്നോട്ടെടുത്തു; വിദ്യാർഥിക്ക് പരുക്കേറ്റിട്ടും ബസ് നിർത്താതെ പോയി;കോട്ടയം– എരുമേലി – മുണ്ടക്കയം റൂട്ടിൽ സർവീസ് നടത്തുന്ന ഹരിശ്രീ ബസിൽ നിന്നാണ് വിദ്യാർഥി വീണത്;സിസിടിവി ദൃശ്യങ്ങൾ പുറത്ത്

കടയനിക്കാട്: കോട്ടയം– എരുമേലി – മുണ്ടക്കയം റൂട്ടിൽ ഓടുന്ന ഹരിശ്രീ സ്വകാര്യ
ബസിൽനിന്ന് വീണ് വിദ്യാർഥിക്ക് പരുക്ക്. കുറ്റിക്കാട്ടുവളവിൽ 13ന് വൈകിട്ട് ആറിനാണ് അപകടം. താഴത്തുവടകര ഗവ.സ്കൂളിലെ പ്ലസ് ടു വിദ്യാർഥിക്കാണ് പരുക്കേറ്റത്.

Link

Embed

Copy and paste this HTML code into your webpage to embed.

അപകടം ഉണ്ടായിട്ടും നിർത്താതെ പോയെന്നാണു പരാതി. സ്കൂളിൽനിന്നു വീട്ടിലേക്കുള്ള മടക്കയാത്രയിലാണ് അപകടം. സ്റ്റോപ്പിൽ ഇറങ്ങാൻ ഒരുങ്ങിയപ്പോൾ വിദ്യാർഥി കാൽ തട്ടി വീഴുകയായിരുന്നു.

ബസ് നിർത്തുന്നതിന് മുൻപുതന്നെ ഹൈഡ്രോളിക് ഡോർ തുറന്നതും സ്റ്റോപ്പിൽ കൃത്യമായി നിർത്താതെ ബസ് വേഗം കുറച്ച് നീങ്ങുമ്പോൾതന്നെ ആളെ കയറ്റുന്നതും സിസിടിവി ദൃശ്യങ്ങളിൽ കാണാം.

അപകടം നടന്നിട്ടും ബസ് നിർത്താതെ പോയതിൽ പ്രതിഷേധിച്ച് പിറ്റേന്ന് എഐവൈഎഫ് യൂണിറ്റിന്റെയും വെള്ളാവൂർ സിപിഐ ലോക്കൽ കമ്മിറ്റിയുടെയും നേതൃത്വത്തിൽ നാട്ടുകാർ ബസ് തടഞ്ഞു. മണിമല പൊലീസിൽ പരാതി നൽകി.