താത്കാലിക ജീവനക്കാരോട്, കെ.എസ്.ഇ. ബി അസിസ്റ്റന്റ് എഞ്ചിനിയറുടെ മോശം പെരുമാറ്റം, പ്രതിഷേധവുമായി ഡി.വൈ.എഫ്. ഐ കൂട്ടിക്കൽ മേഖല കമ്മറ്റി രംഗത്ത്

സ്വന്തം ലേഖകൻ

കൂട്ടിക്കൽ: കെ എസ് ഇ ബി അസിസ്റ്റന്റ് എഞ്ചിനീയറുടെ പൊതുജനങ്ങളോടും താൽക്കാലിക ജീവനക്കാരോടുമുള്ള മോശവും മനുഷ്യത്വ രഹിതവുമായി പെരുമാറ്റത്തിനെതിരെ ഡി വൈ എഫ് ഐ കൂട്ടിക്കൽ മേഖലാ കമ്മിറ്റി രംഗത്ത്.

താത്കാലിക ജീവനക്കാരോട് വളരെ മോശമായി പെരുമാറുന്ന എ ഇ കഴിഞ്ഞയിടയ്ക്കു കോവിഡ് പോസിറ്റീവ് ആയ ജീവനക്കാരനെ സമൂഹ മാധ്യമത്തിൽ അടക്കം അധിക്ഷേപിച്ചിരുന്നു.

കൊവിഡ് പോസിറ്റീവ് ആയിട്ടും മര്യാദ പഠിച്ചില്ല എന്ന രീതിയിൽ ആയിരുന്നു പരാമർശം. കൊവിഡ് പോസിറ്റീവ് ആയ ജീവനക്കാരനടക്കമുള്ളവരുടെ വേതനം തടഞ്ഞു വെക്കുന്നത് ഉൾപ്പെടെയുള്ള സമീപനം സ്വീകരിക്കുകയും ചെയ്തു.

താത്കാലിക ജീവനക്കാരിയെ ഓഫിസ്സിൽ കയറ്റാതെ രണ്ടു ദിവസത്തോളം പുറത്ത് നിർത്തുകയും ചെയ്യ്തു.

ഇതിനെ ചോദ്യം ചെയ്ത ഉദ്യോഗസ്ഥരോട് പ്രതികാര നടപടി സ്വീകരിക്കുകയാണ് എ ഇ ചെയ്യുന്നത്. കരഞ്ഞു കൊണ്ട് റോഡിൽ നിൽക്കുന്ന ജോലിക്കാരി കൂട്ടിക്കൽ കെ എസ് ഇ ബിയിലെ സ്ഥിരം കാഴ്ച ആയി മാറുകയാണ്. മനസികമായി എ ഇ പീഡിപ്പിക്കുകയാണ് എന്ന് ആ ജീവനക്കാരി പറയുന്നു.

ഇനിയും ഇത്തരം പ്രവർത്തനങ്ങൾ തുടരുന്ന എ ഇ യ്‌ക്കെതിരെ ഡി വൈ എഫ് ഐ അടക്കമുള്ള യുവജന സംഘടനകൾ സമരവുമായി രംഗത്തെത്തും എന്നറിയിച്ചിട്ടുണ്ട്.

എ ഇ ക്കെതിരെ നടപടി ആവശ്യപ്പെട്ടുള്ള പോസ്റ്റർ പ്രതിഷേധങ്ങളും നടക്കുന്നുണ്ട്. ലോക്ക് ഡൗണിനു ശേഷം പ്രത്യക്ഷ സമരങ്ങൾ സംഘടിപ്പിക്കുമെന്ന് ഡി വൈ എഫ് ഐ കൂട്ടിക്കൽ മേഖലാ കമ്മറ്റി അറിയിച്ചു.