തിരുവനന്തപുരം: മത്സ്യബന്ധന ബോട്ട് കപ്പലുമായി കൂട്ടിയിടിച്ചുണ്ടായ അപകടത്തില് മരിച്ച രണ്ട് മത്സ്യത്തൊഴിലാളികളുടെ മൃതദേഹം കണ്ടെത്തി.
കൊല്ക്കത്ത സ്വദേശികളായ ലക്ഷ്മണ്, ബാദല് എന്നിവരാണ് മരിച്ചത്. കന്യാകുമാരി ഭാഗത്ത് വെച്ചാണ് ബോട്ട് വിയറ്റ്നാം കപ്പലുമായി കൂട്ടിയിടിച്ച് അപകടമുണ്ടായത്.
കൊല്ലം ശക്തികുളങ്ങരയില് നിന്നാണ് മത്സ്യബന്ധനത്തിന് ബോട്ട് പുറപ്പെട്ടത്. കൊല്ലത്ത് നിന്ന് 120 നോട്ടിക്കല് മൈല് അകലെ വെച്ചാണ് അപകടമുണ്ടായത്.
Whatsapp Group 1 | Whatsapp Group 2 |Telegram Group
രാത്രിയിലെ മത്സ്യബന്ധനത്തിന് ശേഷം രാവിലെ ബോട്ട് നിര്ത്തിയിട്ട് വിശ്രമിക്കുന്നതിനിടെ വിയറ്റ്നാമില് നിന്നുള്ള കപ്പല് ഇടിച്ച് കയറുകയായിരുന്നു.
അപകടത്തില് രണ്ട് പേര് മരിച്ചെന്ന് റിപ്പോര്ട്ടുണ്ടായിരുന്നു. ബോട്ടിലുണ്ടായിരുന്ന മറ്റ് 9 തൊഴിലാളികളെ കപ്പലിലെ ജീവനക്കാര് തന്നെയാണ് രക്ഷിച്ചത്. പിന്നീട് കോസ്റ്റ് ഗാര്ഡ് കപ്പലെത്തി തൊഴിലാളികളെ വിഴിഞ്ഞത്തേക്ക് കൊണ്ടുവന്നു. സംഭവത്തില് ഷിപ്പിങ് ഡയറക്ടറല് ജനറല് അന്വേഷണത്തിന് ഉത്തരവിട്ടു.
