വനിത ശിശു വികസന വകുപ്പിന് കീഴില് പ്രോജക്ട് ഓഫീസര് ജോലി നേടാം. കേരള പി.എസ്.സിക്ക് കീഴില് നടക്കുന്ന സ്ഥിര നിയമനമാണിത്. താല്പര്യമുള്ളവര് ജൂലൈ 1ന് മുന്പായി അപേക്ഷ നല്കണം.
തസ്തികയും ഒഴിവുകളും
വനിത ശിശു വികസന വകുപ്പില് ചൈല്ഡ് ഡെവലപ്മെന്റ് പ്രോജക്ട് ഓഫീസര് റിക്രൂട്ട്മെന്റ്. സ്ത്രീകള്ക്ക് മാത്രമാണ് അപേക്ഷിക്കാനാവുക. സംസ്ഥാന തലത്തില് പ്രതീക്ഷിത ഒഴിവുകളാണുള്ളത്
ശമ്പളം
Whatsapp Group 1 | Whatsapp Group 2 |Telegram Group
തിരഞ്ഞെടുക്കപ്പെടുന്നവര്ക്ക് പ്രതിമാസം 50200 രൂപമുതല് 105300 രൂപവരെ ശമ്പളമായി ലഭിക്കും.
പ്രായപരിധി
25നും 45നും ഇടയില് പ്രായമുള്ളവര്ക്ക് അപേക്ഷിക്കാം. ഉദ്യോഗാര്ഥികള് 02.01.1981നും 01.01.2001നും ഇടയില് പ്രായമുള്ളവരായിരിക്കണം.
എസ്.സി, എസ്.ടി, ഒബിസി മറ്റ് സംവരണ വിഭാഗക്കാര്ക്ക് നിയമാനുസൃത വയസിളവ് അനുവദിക്കും.
യോഗ്യത
അംഗീകൃത യൂണിവേഴ്സിറ്റിക്ക് കീഴില് ഹോം സയന്സ്, സോഷ്യല് വര്ക്ക്, സോഷ്യോളജി, സൈക്കോളജി എന്നിവയില് ഏതെങ്കിലും വിഷയത്തില് പിജി കഴിഞ്ഞവരായിരിക്കണം.
കേന്ദ്ര- സംസ്ഥാന സര്ക്കാരുകള് അംഗീകരിച്ച സോഷ്യല് വര്ക്കില് പോസ്റ്റ് ഗ്രാജ്വേറ്റ് ഡിപ്ലോമ നേടിയിട്ടുള്ളവര്ക്ക് മുന്ഗണനയുണ്ട്.
ഈ തസ്തിക സ്ത്രീകള്ക്ക് മാത്രമായി സംവരണം ചെയ്യപ്പെട്ടിരിക്കുന്നു.
അപേക്ഷിക്കേണ്ട വിധം
ഉദ്യോഗാർത്ഥികൾ കേരള പബ്ലിക് സർവ്വീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി ‘ഒറ്റത്തവണ രജിസ്ട്രേഷൻ’ പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്.
രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്ത ശേഷം സ്വന്തം profile ലൂടെ അപേക്ഷിക്കേണ്ടതാണ്.
ഓരോ തസ്തികയ്ക്ക് അപേക്ഷിക്കുമ്പോഴും പ്രസ്തുത തസ്തികയോടൊപ്പം കാണുന്ന Notification Link-ലെ Apply Now -ൽ മാത്രം click ചെയ്യേണ്ടതാണ്. അപേക്ഷാ ഫീസ് നൽകേണ്ടതില്ല.
ഓരോ തസ്തികയ്ക്ക് അപേക്ഷിക്കുന്നതിന് മുൻപും തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.
