കൊല്ലം: പ്രണയം ഒരു കുറ്റമല്ലെന്നും പ്രണയം എല്ലാവർക്കുമുണ്ടെന്നും ഇനിയും തുടരുമെന്നും ഗതാഗത മന്ത്രി കെ.ബി ഗണേഷ് കുമാർ. തനിക്കെതിരായ ആരോപണം ശരിയാണെങ്കിലും അല്ലെങ്കിലും അത് വ്യക്തപരമായ കാര്യമാണെന്നും ഇതൊന്നും കേരളത്തിലെ ജനങ്ങളെ ബാധിക്കുന്ന വിഷയമല്ലെന്നുമാണ് മന്ത്രി പ്രതികരിച്ചത്.
താനൊരു മികച്ച പൊതുപ്രവർത്തകനാണ്. അഴിമതി ചെയ്തിട്ടില്ല, പത്തനാപുരത്തുകാർ ഇത് വിശ്വസിക്കില്ലെന്നും തന്റെ എക്സ്റേ അവർക്ക് അറയാമെന്നും മന്ത്രി പറഞ്ഞു. വീട്ടിലെ കാര്യം പറയണ്ടാ എന്നു കരുതിയതാണെന്നും പക്ഷേ തനിക്ക് ഒന്നും മറയ്ക്കാനില്ലെന്നും പറഞ്ഞ മന്ത്രി വീട്ടിനുള്ളില് തന്നെ ശത്രുക്കളുണ്ടെന്നും ആരോപിച്ചു.
തെരഞ്ഞെടുപ്പ് അടുത്തത് കൊണ്ട് നടത്തുന്ന രാഷ്ട്രീയ മുതലെടുപ്പാണ് ഇതെന്നും മുൻപും ഇത്തരത്തിലുള്ള ആരോപണങ്ങള് ഉയർന്നുവന്നിട്ടുണ്ടെന്നും ഗണേഷ് കുമാർ പറഞ്ഞു. തന്റെ വ്യക്തി ജീവിതത്തില് ഇടപെടാൻ ആർക്കും അവകാശമില്ലെന്നും ഇപ്പോള് ഉയർന്ന ആരോപണങ്ങള് തന്റെ ഭൂരിപക്ഷം കൂട്ടുമെന്നും പറഞ്ഞ മന്ത്രി വട്ട് മൂത്താല് ആരും പരാതിപ്പെടുമെന്നും എനിക്കും വേണമെങ്കില് പരാതിപ്പെടാമെന്നും പറഞ്ഞു. മേയർ സ്ഥാനം കിട്ടാത്തതിന്റെ കൊതിക്കെറുവാണ് ശ്രീലേഖ തീർക്കുന്നതെന്നും മന്ത്രി ആരോപിച്ചു.
Whatsapp Group 1 | Whatsapp Group 2 |Telegram Group
മാധവിക്കുട്ടിയും ജവഹർലാല് നെഹ്റുവും പുനത്തില് കുഞ്ഞബ്ദുല്ലയും പ്രണയിച്ചിട്ടുണ്ട് പിന്നെ തനിക്ക് പ്രണയിച്ചുകൂടെയെന്നും ഗണേഷ് കുമാറിന് ഒന്നല്ല 5000 പ്രണയമുണ്ടെന്നും മന്ത്രി പറഞ്ഞു.
