ഹൃദയാഘാതം; കോട്ടയം കാഞ്ഞിരപ്പള്ളി സ്വദേശി ഖത്തറില്‍ മരിച്ചു

കോട്ടയം: മലയാളി യുവാവ് ഹൃദയാഘാതത്തെ തുടർന്ന് ഖത്തറില്‍ മരിച്ചു.

കോട്ടയം കാഞ്ഞിരപ്പള്ളി ആനക്കല്ല് സ്വദേശി കരിയില്‍ തോമസ് മാത്യു (23) ആണ് മരിച്ചത്.

ഹോളിഡേ വില്ല ഹോട്ടലില്‍ ഷെഫ് ആയി ജോലി ചെയ്തുവരികയായിരുന്നു. മാത്യു-ഷേർലി മാത്യു ദമ്പതികളുടെ മകനാണ് തോമസ് മാത്യു.

പ്രവാസി വെല്‍ഫയർ കള്‍ചറല്‍ ഫോറം റീപാട്രിയേഷൻ വിഭാഗത്തിന്‍റെ നേതൃത്വത്തില്‍ മൃതദേഹം നാട്ടിലേക്ക് കൊണ്ട് പോകാനുള്ള നടപടിക്രമങ്ങള്‍ പൂർത്തിയാക്കി. സഹോദരങ്ങള്‍ അല്‍ബിൻ മാത്യു, മെയ് മോള്‍ മാത്യു.