തോൾ സഞ്ചിയില്‍ കഞ്ചാവ് വി​ൽ​പ്പ​ന;ഒന്നരകിലോയോളം കഞ്ചാവുമായി യുവാവ് പിടിയിൽ;പ്രതി മുൻപും സമാനമായ കേസിൽ ജയിൽ ശിക്ഷ അനുഭവിച്ചയാൾ

സ്വന്തം ലേഖകൻ

തിരുവനന്തപുരം: കഞ്ചാവ് കടത്തു കേസിലെ പ്രതി ജാമ്യത്തിലിറങ്ങി വീണ്ടും കഞ്ചാവ് കച്ചവടം നടത്തവേ പിടിയിൽ. ആ​ന്ധ്ര​പ്ര​ദേ​ശി​ൽ നി​ന്ന്​ 20 കി​ലോ​ഗ്രാം ക​ഞ്ചാ​വ് ക​ട​ത്തി​യ കേ​സി​ലെ പ്ര​തിയാണ് ജാ​മ്യ​ത്തി​ലി​റ​ങ്ങിയ ശേഷം അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ​ക്കി​ട​യി​ൽ ക​ഞ്ചാ​വ് കച്ചവ​ടം നടത്തിയത് . സംഭവത്തിൽ വി​ഴി​ഞ്ഞം കോ​ളി​യൂ​ർ ഞാ​റ​വി​ള​വീ​ട്ടി​ൽ നി​തി​ൻ (22)​നെ​യാ​ണ് 1.300 കി​ലോ ക​ഞ്ചാ​വു​മാ​യി അ​റ​സ്റ്റ് ചെ​യ്ത​ത്.

മു​ക്കോ​ല-​മു​ട്ട​ക്കാ​ട് പ്ര​ദേ​ശ​ത്തെ പ്ര​ധാ​ന ക​ഞ്ചാ​വ് ചി​ല്ല​റ മൊ​ത്ത വി​ൽ​പ​ന​ക്കാ​ര​നാ​ണ് പ്ര​തിയെന്ന് അന്വേഷണ സംഘം പറഞ്ഞു. തോ​ൾ സ​ഞ്ചി​യി​ൽ ചെറിയ പോ​ളി​ത്തീ​ൻ ക​വ​റുകളില്‍ സൂ​ക്ഷി​ച്ചി​രു​ന്ന ക​ഞ്ചാ​വാ​ണ് പി​ടി​ച്ചെ​ടു​ത്ത​ത്.

നെ​യ്യാ​റ്റി​ൻ​ക​ര എ​ക്സൈ​സ് സ​ർ​ക്കി​ൾ ഇ​ൻ​സ്പെ​ക്ട​ർ എ.​പി. ഷാ​ജ​ഹാ​ന്റെ നേ​തൃ​ത്വ​ത്തി​ൽ നടത്തിയ പരിശോധനയിലാണ് പ്രതി പിടിയിലായത്. നെ​യ്യാ​റ്റി​ൻ​ക​ര എ​ക്സൈ​സ് സ​ർ​ക്കി​ൾ പാ​ർ​ട്ടി​യും ഐ.​ബി പാ​ർ​ട്ടി​യും സം​യു​ക്ത​മാ​യാണ് പ​ട്രോ​ളിംഗ് നടത്തിയത്. മു​ക്കോ​ല​യി​ൽ​വെച്ചാണ് പ്രതിയെ പി​ടി​കൂ​ടി​യ​ത്.

ഐ.​ബി പ്രി​വ​ന്റി​വ് ഓ​ഫി​സ​ർ കെ. ​ഷാ​ജു, പ്രി​വ​ന്റി​വ് ഓ​ഫി​സ​ർ എ​സ്. ഷാ​ജി​കു​മാ​ർ, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ എ​സ്.​പി. അ​നീ​ഷ് കു​മാ​ർ, യു.​കെ. ലാ​ൽ കൃ​ഷ്ണ, എ​ൻ. സു​ഭാ​ഷ് കു​മാ​ർ, വി. ​വി​ജേ​ഷ്, എ​ച്ച്.​ജി. അ​ർ​ജു​ൻ, വി.​ജെ. അ​നീ​ഷ്, ഡ്രൈ​വ​ർ സൈ​മ​ൺ എ​ന്നി​വ​രാണ്​ എക്​സൈസ്​ സംഘത്തിൽ ഉ​ണ്ടാ​യി​രു​ന്നത്​.