സ്വന്തം ലേഖകന്
ന്യൂഡല്ഹി: കേരള കോണ്ഗ്രസിന്റെ തെരഞ്ഞെടുപ്പ് ചിഹ്നമായ രണ്ടില ജോസ് വിഭാഗത്തിന് നല്കിയതിന് എതിരെ പി ജെ ജോസഫ് നല്കിയ ഹര്ജി സുപ്രീംകോടതി തള്ളി. രണ്ടില ചിഹ്നം ജോസിന് നല്കിയ തെരഞ്ഞെടുപ്പ് കമ്മീഷന് നടപടി ശരിവെച്ചുകൊണ്ടുള്ള ഹൈക്കോടതി വിധിക്കെതിരെയാണ് ജോസഫ് സുപ്രീംകോടതിയെ സമീപിച്ചത്. പാര്ട്ടി പിളര്പ്പിന് ശേഷം എല്ഡിഎഫിനൊപ്പം പോയ ജോസ് വിഭാഗത്തിന് അവകാശപ്പെട്ടതാണ് രണ്ടില ചിഹ്നം എന്നായിരുന്നു കേന്ദ്ര തെരഞ്ഞെടുപ്പ് കമ്മീഷന്റെ ഉത്തരവ്.
ഇതു ചോദ്യം ചെയ്ത് ജോസഫ് നല്കിയ ഹര്ജി ഹൈക്കോടതി തള്ളിയിരുന്നു. വിധിക്കെതിരെ ഹൈക്കോടതി ഡിവിഷന് ബെഞ്ചില് ജോസഫ് അപ്പീല് നല്കിയിരുന്നു. എന്നാല് ഡിവിഷന് ബെഞ്ചും വിധി ശരിവയ്ക്കുകയായിരുന്നു. ഈ സാഹചര്യത്തിലാണ് സുപ്രീംകോടതിയെ സമീപിച്ചത്. ഹൈക്കോടതി വിധി ഉടന് സ്റ്റേ ചെയ്യണമെന്നും ജോസഫ് വിഭാഗം ഹര്ജിയില് ആവശ്യപ്പെട്ടിരുന്നു.
Whatsapp Group 1 | Whatsapp Group 2 |Telegram Group