കൊച്ചിയിലെത്തിയ ഇൻഡിഗോ വിമാനത്തിലെ വാഷ്റൂമില്‍ മൂന്ന് പൊതികള്‍; പരിശോധിച്ചപ്പോള്‍ കണ്ടെത്തിയത് രണ്ട് കോടിയുടെ സ്വര്‍ണം

കൊച്ചി: നെടുമ്പാശ്ശേരിയില്‍ വിമാനത്തിലുപേക്ഷിച്ച നിലയില്‍ രണ്ട് കോടി രൂപയുടെ സ്വര്‍ണം കണ്ടെടുത്തു.

ബഹ്‌റൈനില്‍ നിന്നും എത്തിയ ഇൻഡിഗോ വിമാനത്തില്‍ നിന്നാണ് ഡി.ആര്‍.ഐ. സ്വര്‍ണം കണ്ടെടുത്തത്.

സ്വര്‍ണമിശ്രിതം മൂന്ന് പൊതികളിലാക്കി വിമാനത്തിലെ ശൗചാലയത്തില്‍ ഒളിപ്പിച്ചിരിക്കുകയായിരുന്നു.

3.285 കിലോ സ്വര്‍ണമാണ് കണ്ടെടുത്തത്. സംഭവത്തില്‍ കൂടുതല്‍ അന്വേഷണം നടത്തുമെന്ന് അധികൃതര്‍ വ്യക്തമാക്കി.