ഇ​ന്ത്യ​ൻ സമൂഹത്തിന് ആശ്വാസമേകി ഇ​ന്ത്യ​ൻ എം​ബ​സി, ഹെ​ൽ​പ് ലൈ​ൻ ന​മ്പർ ഉപയോ​ഗിച്ച് നടത്തിയ തട്ടിപ്പിന് പരിഹാരം,ഓ​പ​ൺ ഹൗ​സി​ൽ പങ്കെടുത്തത് ഇരുപതില​ധി​കം ഇ​ന്ത്യക്കാർ

മ​നാ​മ: ഇ​ന്ത്യ​ൻ ജനതക്ക് ആശ്വാസമേകാനായി ഇ​ന്ത്യ​ൻ എം​ബ​സി ഓ​പ​ൺ ഹൗ​സ് സം​ഘ​ടി​പ്പി​ച്ചു. സ​മൂ​ഹം നേ​രി​ടു​ന്ന പ്ര​ശ്‌​ന​ങ്ങ​ൾക്കും വെല്ലുവിളികൾക്കും പ​രി​ഹാ​രം തേ​ടുകയാണ് ലക്ഷ്യം. ഇ​ന്ത്യ​ൻ അം​ബാ​സ​ഡ​ർ വി​നോ​ദ് കെ. ​ജേ​ക്ക​ബും എം​ബ​സി​യു​ടെ കോ​ൺസു​ല​ർ സം​ഘ​വും അ​ഭി​ഭാ​ഷ​ക സ​മി​തി​യും പ​ങ്കെ​ടു​ത്തു.

എം​ബ​സി​യു​ടെ 24×7 ഹെ​ൽ​പ് ലൈ​ൻ മൊ​ബൈ​ൽ ന​മ്പ​റാ​യ 39418071 ഉ​പ​യോ​ഗി​ച്ച് ആ​ൾ​മാ​റാ​ട്ടം ന​ട​ത്തി സ്വ​കാ​ര്യ വി​വ​ര​ങ്ങ​ൾ അ​ഭ്യ​ർ​ഥി​ക്കു​ക​യും പ​ണം കൈ​മാ​റ്റം ആ​വ​ശ്യ​പ്പെ​ടു​ക​യും ചെ​യ്ത് ത​ട്ടി​പ്പു​കാ​ർ ന​ട​ത്തി​യ​ വ‍്യാ​ജ കോ​ളു​ക​ൾ സം​ബ​ന്ധി​ച്ച് ക​മ്യൂ​ണി​റ്റി അം​ഗ​ങ്ങ​ൾ​ക്ക് മു​ന്ന​റി​യി​പ്പു ന​ൽ​കിയിട്ടുണ്ട്.

എം​ബ​സി ഉ​ദ്യോ​ഗ​സ്ഥ​ർ ഈ ​ന​മ്പ​റി​ൽ​നി​ന്ന് ആ​രെ​യും വി​ളി​ക്കു​ന്നി​ല്ല. എം​ബ​സി പ​രി​സ​ര​ത്തു​ ന​ട​ന്ന യോ​ഗ ക​ർ​ട്ട​ൻ റൈ​സ​ർ പ​രി​പാ​ടി​യി​ൽ 60ല​ധി​കം അം​ഗ​ങ്ങ​ൾ സ​ജീ​വ​മാ​യി പ​ങ്കെ​ടു​ത്ത കാ​ര്യ​വും അ​റി​യി​ച്ചു. നി​ര​വ​ധിപേരുടെ പ്രശ്നങ്ങളിൽ പരിഹാരം കണ്ടെത്തി.

ക​ഴി​ഞ്ഞ ഓ​പ​ൺ ഹൗ​സി​ൽ ഉ​ന്ന​യി​ക്ക​​പ്പെ​ട്ട പ്ര​ശ്ന​ങ്ങ​ൾ ഭൂ​രി​ഭാ​ഗ​വും പ​രി​ഹ​രി​ച്ച​താ​യി അം​ബാ​സ​ഡ​ർ അ​റി​യി​ച്ചു. പ്ര​വാ​സി സ​മൂ​ഹ​ത്തെ പ​രി​പാ​ലി​ക്കു​ന്ന​തി​ൽ ബ​ഹ്‌​റൈ​ൻ സ​ർക്കാ​റി​ന്റെ​യും ഭ​ര​ണാ​ധി​കാ​രി​ക​ളു​ടെ​യും തു​ട​ർച്ച​യാ​യ പി​ന്തു​ണ​ക്കും സ​ഹ​ക​ര​ണ​ത്തി​നും അ​ദ്ദേ​ഹം ന​ന്ദി പ​റ​ഞ്ഞു. കൂടാതെ, ഇം​ഗ്ലീ​ഷ്, ഹി​ന്ദി, ത​മി​ഴ്, മ​ല​യാ​ളം ഭാ​ഷ​ക​ളി​ൽ ന​ട​ത്തി​യ ഓ​പ​ൺ ഹൗ​സി​ൽ 20 ല​ധി​കം ഇ​ന്ത്യ​ൻ പൗ​ര​ന്മാ​ർ പ​ങ്കെ​ടു​ത്തു.