അമിതവേ​ഗതിയിലെത്തിയ ബൈക്ക് നിർത്തിയിട്ട ടൂറിസ്റ്റ് ബസിലിടിച്ച് അപകടം; രണ്ടു യുവാക്കൾക്ക് ദാരുണാന്ത്യം; മരിച്ചത് സുഹൃത്തുക്കളായ തൃശ്ശൂർ, എരുമേലി സ്വദേശികൾ

സ്വന്തം ലേഖകൻ

ഇടുക്കി : കൊച്ചി-ധനുഷ്കോടി ദേശീയപാതയിൽ ഇരുമ്പുപാലത്ത് ബസും ബൈക്കും കൂട്ടിയിടിച്ചുണ്ടായ അപടത്തിൽ രണ്ട് യുവാക്കൾ മരിച്ചു. തൃശ്ശൂർ സ്വദേശി കാർത്തിക്, എരുമേലി സ്വദേശി അരവിന്ദ് എന്നിവരാണ് മരിച്ചത്.

അമിതവേ​ഗതയിലെത്തിയ ബൈക്ക് നിയന്ത്രണം വിട്ട് നിർത്തിയിട്ട ടൂറിസ്റ്റ് ബസിന് മുന്നിലിടിക്കുകയായിരുന്നു.

മൂന്നാർ സന്ദർശിച്ച് തിരികെ എറണാകുളത്തെ ജോലി സ്‌ഥലത്തേക്ക് പോകും വഴിയാണ് അപകടമുണ്ടായത്. അമിതവേഗതയാണ് അപകട കാരണമെന്നാണ് പ്രാഥമിക നിഗമനം. മൃതദേഹം അടിമാലി താലൂക്ക് ആശുപത്രി മോർച്ചറിയിലേക്ക് മാറ്റി.