വൈക്കം കല്ലറയില്‍ നിന്ന് കാണാതായ വീട്ടമ്മയുടെ മൃതദേഹം മുവാറ്റുപുഴയിൽ നിന്നും കണ്ടെത്തി
സ്വന്തം ലേഖിക
തലയോലപ്പറമ്പ്: വൈക്കം കല്ലറയില്‍ നിന്നു കാണാതായ വീട്ടമ്മയുടെ മൃതദേഹം കണ്ടെത്തി.
വൈക്കം വടയാര്‍ ഇളങ്കാവ് ഗവണ്‍മെന്‍റ് സ്കൂളിന് സമീപം മൂവാറ്റുപുഴയിൽ നിന്നാണ് കണ്ടെത്തിയത്. കല്ലറ ഗവണ്‍മെന്‍റ് ഹരിജന്‍ സ്കൂളിന് സമീപം ഇടത്തില്‍ കുര്യാക്കോസിന്‍റെ ഭാര്യ ആന്‍സി (62)യുടെ മൃതദേഹമാണ് കണ്ടെത്തിയത്.
Whatsapp Group 1 | Whatsapp Group 2 |Telegram Group
ഇന്നലെ രാവിലെ മുതല്‍ ഇവരെ കാണാതായിരുന്നു. കല്ലറയില്‍ നിന്ന് കടുത്തുരുത്തിയിലെത്തി എറണാകുളത്തേക്കു ബസ് കയറിപ്പോയതായി അറിഞ്ഞതിനെത്തുടര്‍ന്ന് ബന്ധുക്കള്‍ വിവരം പൊലീസിനു കൈമാറിയിരുന്നു.
തലയോലപ്പറമ്പ് പൊലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. ആന്‍സിക്ക് മാനസികാസ്വാസ്ഥ്യമുണ്ടായിരുന്നതായി പൊലീസ് പറഞ്ഞു. മക്കള്‍: ബിബിന്‍ കുര്യന്‍, ബിനു കുര്യന്‍, ജോജി കുര്യന്‍.
