കനത്ത മഴയും, കാറ്റും..! ബസ് സ്റ്റോപ്പിന് മുകളിൽ മരം വീണു ; ഐടിഐ വിദ്യാർഥിക്ക് ഗുരുതര പരിക്ക്

സ്വന്തം ലേഖകൻ

കൽപറ്റ: വയനാട് കൽപറ്റയിൽ ബസ് സ്റ്റോപ്പിന് മുകളിൽ മരം വീണ് വിദ്യാർഥിക്ക് പരിക്ക്.
കനത്ത മഴയിലും കാറ്റിലും ബസ് കാത്തുനിൽപ്പുകേന്ദ്രത്തിന് മുകളിൽ തെങ്ങ് വീണാണ് വിദ്യാർഥിക്ക് പരിക്കേറ്റത്.

കാട്ടിക്കുളം സ്വദേശിയായ ഐടിഐ വിദ്യാർഥി നന്ദു(19)വിനാണ് പരിക്കേറ്റത്.

കോളജ് വിട്ട് ബസ് കാത്തിരിക്കുമ്പോഴാണ് അപകടമുണ്ടായതെന്നാണ് വിവരം. നന്ദുവിന്റെ പരിക്ക് ഗുരതരമാണ്.

മേപ്പാടിയിലെ സ്വകാര്യ മെഡിക്കൽ കോളജ് ആശുപത്രിയിലാണ് വിദ്യാർഥിയെ പ്രവേശിപ്പിച്ചിരിക്കുന്നത്.