സ്വന്തം ലേഖകന്
ആലപ്പുഴ: കടക്കരപ്പള്ളി പഞ്ചായത്ത് 10-ാം വാര്ഡ് തളിശേരിത്തറ ഉല്ലാസിന്റെ മകള് ഹരികൃഷ്ണയെ (26) കൊന്നത് അതിക്രൂരമായെന്ന് പൊലീസ്. കുറ്റം സമ്മതിച്ച സഹോദരീഭര്ത്താവ് കടക്കരപ്പള്ളി പഞ്ചായത്ത് അഞ്ചാം വാര്ഡ് പുത്തന്കാട്ടുങ്കല് രതീഷിനെ (ഉണ്ണി 40) റിമാന്ഡ് ചെയ്തു.
യുവതിയെ അടിച്ചുവീഴ്ത്തിയ ശേഷം സഹോദരി ഭര്ത്താവ് രതീഷ് പീഡിപ്പിക്കുകയും ശ്വാസംമുട്ടിച്ചു കൊലപ്പെടുത്തുകയും ചെയ്തു. മൃതദേഹം മറവു ചെയ്യാന് ശ്രമിച്ചെങ്കിലും വിജയിച്ചില്ല. 2 വര്ഷമായി രതീഷ് ഹരികൃഷ്ണയെ ശല്യപ്പെടുത്തിയിരുന്നെന്നാണ് പോലീസ് പറയുന്നത്.
Whatsapp Group 1 | Whatsapp Group 2 |Telegram Group
ഹരികൃഷ്ണയ്ക്ക് കൂടെ ജോലിചെയ്യുന്ന യുവാവുമായി അടുപ്പമുണ്ടെന്നും അതു വിവാഹത്തിലേക്ക് എത്തുമെന്നുമുള്ള സംശയമാണ് കൊലപാതകത്തിനു കാരണമെന്ന് പൊലീസ് പറഞ്ഞു. ഈ അടുപ്പത്തെക്കുറിച്ചു ചോദിച്ച് മര്ദിക്കുകയും കഴുത്തില് കുത്തിപ്പിടിച്ച് ജനലില് തലയിടിപ്പിക്കുകയും ചെയ്തു. ഇടിയുടെ ആഘാതത്തില് ഹരികൃഷ്ണ ബോധരഹിതയായി വീണു. പീഡിപ്പിച്ച ശേഷം മൂക്കും വായും പൊത്തിപ്പിടിച്ച് ശ്വാസംമുട്ടിച്ചു കൊല്ലുകയായിരുന്നു.
മരണം ഉറപ്പിച്ചശേഷം മൃതദേഹം മറവുചെയ്യാന് വീടിന് പുറത്ത് കൊണ്ടുവന്നു. അവിടെ വച്ചും ചവിട്ടി. ഇതെത്തുടര്ന്ന് എല്ലുകള് ഒടിഞ്ഞു. പക്ഷേ, മഴ വരുമെന്നു കരുതി കുഴിച്ചുമൂടാനുള്ള ശ്രമം ഉപേക്ഷിച്ചു. മൃതദേഹം വീണ്ടും മുറിക്കുള്ളിലെത്തിച്ച ശേഷം കടന്നുകളഞ്ഞു. ഇങ്ങനെയാണ് മൃതദേഹത്തില് മണല് പുരണ്ടത്.
