സ്വന്തം ലേഖിക
തിരുവനന്തപുരം : സംസ്ഥാനത്തെ സർക്കാർ ജീവനക്കാർക്ക് അവധിയെടുക്കാൻ മേലുദ്യോഗസ്ഥർക്കു മുന്നിൽ അപേക്ഷയുമായി നിൽക്കേണ്ട ആവശ്യം ഇനിയില്ല. ഓൺലൈനായി അവധിയെടുക്കാനുള്ള സംവിധാനം ഈമാസം ഒന്നുമുതൽ നിലവിൽ വന്നു.
ശമ്പള വിതരണ സോഫ്‌റ്റ്വെയറായ സ്പാർക് വഴി അപേക്ഷ സമർപ്പിക്കുന്നതിനുള്ള സൗകര്യമാണ് ഒരുക്കിയിരിക്കുന്നത്. അതത് മേധാവികൾക്ക് ഫോം പൂരിപ്പിച്ചു നൽകി അപേക്ഷ സമർപ്പിക്കുന്നതായിരുന്നു ഇതുവരെയുള്ള രീതി. എന്നാൽ ഇനിമുതൽ കംപ്യൂട്ടറോ മൊബൈൽ ഫോണോ ഉപയോഗിച്ച് ഓൺലൈൻ ആയി അവധിക്ക് അപേക്ഷിക്കാം. ജീവനക്കാർക്കു നൽകിയിട്ടുള്ള യൂസർ നെയിമും പാസ്‌വേഡും ഉപയോഗിച്ചാണ് സ്പാർക് പോർട്ടലിൽ ലോഗിൻ ചെയ്ത് അപേക്ഷ സമർപ്പിക്കേണ്ടത്.
Whatsapp Group 1 | Whatsapp Group 2 |Telegram Group
മേലുദ്യോഗസ്ഥൻ ഇവ ഓൺലൈനായിത്തന്നെ അംഗീകരിക്കുകയോ തള്ളുകയോ ചെയ്യും. അവധി വിവരങ്ങൾ ഡിജിറ്റൽ സർവീസ് ബുക്കിലും രേഖപ്പെടുത്തും. അതേസമയം, ഗൾഫിലേക്കും മറ്റും പോകാനായി ദീർഘകാലത്തേക്കുള്ള അവധിയെടുക്കൽ ഓൺലൈൻ വഴി നടക്കില്ല.
