തിരുവനന്തപുരം: കേരളത്തില് പോപ്പുലര് ഫ്രണ്ട് ആഹ്വാനം ചെയ്ത ഹര്ത്താലില് ഉണ്ടായ വ്യാപക ആക്രമണത്തില് സമരക്കാർ തകര്ത്തത് 59 കെഎസ്ആര്ടിസി ബസുകള്. ഇതില് 57 എണ്ണം ആര്ടിസി യും ഒരെണ്ണം ലോ ഫ്ലോര് എസി ബസും ഒരെണ്ണം കെ സ്വിഫ്റ്റ് ബസുമാണ്. 11 ജിവനക്കാര്ക്ക് കല്ലേറില് പരിക്കുണ്ട്. പത്ത് ഡ്രൈവര്മാര്ക്കും ഒരു കണ്ടക്ടറിനുമാണ് പരിക്ക്.
ആര്ടിസി ബസിന്റെ ഗ്ലാസിന് 8000 രൂപയും എസി ലോഫ്ലോര് ബസിന് 40,000 രൂപയും കെ സ്വിഫ്റ്റ് ബസിന് 22,000 രൂപയും ചിലവാകും. ഈ ബസുകള് ശരിയാക്കി പുറത്തിറങ്ങണമെങ്കില് കുറഞ്ഞത് 2 ആഴ്ചയെടുക്കും. കൂടാതെ നഷ്ടം സഹിച്ച് ഡീസല് കത്തിയ ഓടിയതും ഓടത്തത് മൂലവും ഉണ്ടായ നഷ്ടം കൂടിയാകുമ്പോള് കെഎസ്ആര്ടിസിയ്ക്ക് ഒറ്റ ദിവസം ഉണ്ടായത് ലക്ഷങ്ങളുടെ നാശനഷ്ടമാണ്.
അതേസമയം ഹര്ത്താല് ദിനത്തില് ഈരാറ്റുപേട്ടയില് വാഹനങ്ങള് തടഞ്ഞ് സംഘര്ഷാവസ്ഥ സൃഷ്ടിച്ച പോപ്പുലര് ഫ്രണ്ട് ഹര്ത്താല് അനുകൂലികള്ക്ക് നേരെ പൊലീസ് ലാത്തിച്ചാര്ജ്. അഞ്ച് പിഎഫ് ഐ പ്രവര്ത്തകരെ പൊലീസ് കസ്റ്റഡിയിലെടുത്തു.100 ഓളം പേരെ കരുതല് തടവിലാക്കി ഈരാറ്റുപേട്ട പാലാ പൊലീസ് സ്റ്റേഷനുകളിലേക്ക് മാറ്റി.
Whatsapp Group 1 | Whatsapp Group 2 |Telegram Group
ഈരാറ്റുപേട്ടയില് രാവിലെ ഏഴുമണിയോടെ സംഘടിച്ചെത്തിയ സമരാനുകൂലികള് നടുറോഡിലിറങ്ങി വാഹനങ്ങള് തടയുകയും കടകളടപ്പിക്കുകയും ചെയ്തതതാണ് പ്രശ്നങ്ങള്ക്ക് തുടക്കമിട്ടത്. പൊതുജനങ്ങളെ ഭീഷണിപ്പെടുത്തുന്ന സാഹചര്യവുമുണ്ടായതോടെ സംഘര്ഷാവസ്ഥയുണ്ടായി. ഇതോടെയാണ് പൊലീസ് സംഘമെത്തി സമരാനുകൂലികളെ നീക്കാനായി ലാത്തിച്ചാര്ജ് നടത്തിയത്. ഈരാറ്റുപേട്ടയില് നഗരത്തില് സംഘര്ഷ സാധ്യത നിലനില്ക്കുന്ന സാഹചര്യത്തില് കൂടുതല് പൊലീസുകാരെ വിന്യസിച്ചു.
പാലാ ഡിവൈഎസ്പി ഗിരീഷ് പി സാരഥിയുടെ നേതൃത്വത്തിലുള്ള സംഘമാണ് സ്ഥലത്ത് പട്രോളിംഗ് നടത്തുന്നത്. അതിനിടെ കോട്ടയത്ത് കുറിച്ചി ഔട്ട് പോസ്റ്റിലും സമീപ പ്രദേശങ്ങളിലും എം സി റോഡില് കെഎസ്ആര്ടിസി ബസുകള്ക്ക് നേരേ വ്യാപക കല്ലേറുണ്ടായി കുറിച്ചി ഔട്ട് പോസ്റ്റ്, മന്ദിരം കവല, കാലായിപ്പടി എന്നിവിടങ്ങളില് കല്ലേറില് നിരവധി ബസുകളുടെ ചില്ലുകള് തകര്ന്നു. കോടിമതയില് ലോറിക്ക് നേരെ കല്ലേറുണ്ടായി.അയ്മനം, കാരാപ്പുഴ എന്നിവിടങ്ങളിലും ബസിന് നേരേ കല്ലേറുണ്ടായി.കോട്ടയം നഗരത്തില് ഇപ്പോള് പോപ്പുലര് ഫ്രണ്ട് പ്രവര്ത്തകരുടെ പ്രകടനം നടത്തുകയാണ്.
