എറണാകുളം ജനറല്‍ ആശുപത്രിയില്‍ രോഗികള്‍ക്കൊപ്പം എത്തിയ ആള്‍ ആശുപത്രി ജീവനക്കാരെ അസഭ്യം പറഞ്ഞു!!! ആരോഗ്യ പ്രവർത്തകർക്കെതിരെയുള്ള അക്രമം തടയുന്നതിനുള്ള ഓർഡിനൻസ് അംഗീകരിച്ച വിധി വന്ന ഇന്ന് തന്നെയാണ് ഈ സംഭവവും

സ്വന്തം ലേഖകൻ

എറണാകുളം : ആശുപത്രി ജീവനക്കാര്‍ക്ക് നേരെ വീണ്ടും അതിക്രമം. എറണാകുളം ജനറല്‍ ആശുപത്രിയില്‍ രോഗികള്‍ക്ക് ഒപ്പം എത്തിയ ആള്‍ ആശുപത്രി ജീവനക്കാരെ ആക്രമിക്കാന്‍ ശ്രമിക്കുകയും വനിതാ ഡോക്ടര്‍ക്കും ജീവനക്കാര്‍ക്കുമെതിരെ അസഭ്യവര്‍ഷവും നടത്തുകയും ചെയ്തു.

ആലപ്പുഴ സ്വദേശി അനില്‍ കുമാറാണ് കഴിഞ്ഞദിവസം രാത്രി പതിനൊന്നരയോടെ സംഘര്‍ഷമുണ്ടാക്കിയത്.

പൊലീസും ജീവനക്കാരും ചേര്‍ന്ന് പ്രതിയെ കീഴടക്കി.

ആക്രമിച്ചിട്ടില്ലെന്നും മദ്യപിച്ച്‌ അസഭ്യം പറയുകയാണ് ചെയ്തതെന്നുമാണ് പൊലിസ് പറയുന്നത്. സംഭവത്തില്‍ ആശുപത്രി സംരക്ഷണനിയമ പ്രകാരമം സെന്‍ട്രല്‍ പൊലിസ് കേസെടുത്തു.