വലിയ പൊട്ടിത്തെറിയും ശബ്ദവും ; കെഎസ്‌ഇബിയുടെ ചാര്‍ജിങ് സ്റ്റേഷനില്‍ നിന്ന് ഇലക്‌ട്രിക് കാര്‍ ചാര്‍ജ് ചെയ്യുന്നതിനിടെ വീട്ടമ്മയ്ക്ക് ഷോക്കേറ്റു
കൊച്ചി: പറവൂർ മന്നത്ത് കെഎസ്‌ഇബിയുടെ ചാര്‍ജിങ് സ്റ്റേഷനില്‍ നിന്ന് ഇലക്‌ട്രിക് കാര്‍ ചാര്‍ജ് ചെയ്യുന്നതിനിടെ വീട്ടമ്മയ്ക്ക് ഷോക്കേറ്റു. സംഭവത്തില്‍ മുൻ കൗണ്‍സിലര്‍ കൂടിയായ സ്വപ്ന എന്ന വീട്ടമ്മയ്ക്കാണ് പരിക്കേറ്റത്.
ഇലക്‌ട്രിക് കാർ ചാർജ് ചെയ്തതിനുശേഷം ചാർജിങ് ഗണ്‍ തിരികെ വയ്ക്കുമ്ബോഴായിരുന്നു സംഭവം. വലിയ പൊട്ടിത്തെറിയും ശബ്ദവും വെളിച്ചവുമുണ്ടായെന്നും ഷോക്കേറ്റ് താൻ തെറിച്ചു വീഴുകയായിരുന്നെന്നും സ്വപ്ന ഏഷ്യാനെറ്റ് ന്യൂസിനോട് പറഞ്ഞു.കെഎസ്‌ഇബിയുടെ ചാർജിങ് സ്റ്റേഷനില്‍ ആയിരുന്നു സംഭവമെന്നും ഭാഗ്യം കൊണ്ടു മാത്രമാണ് തനിക്ക് ജീവഹാനി സംഭവിക്കാതിരുന്നതെന്നും സ്വപ്ന പറഞ്ഞു.
രാവിലെ പത്തംതിട്ടയിലേക്ക് തിരിച്ചുപോകേണ്ടതുണ്ടായിരുന്നു. അതിനായി രാവിലെ ആറുമണിയോടെ ചാര്‍ജിങ് സ്റ്റേഷനിലെത്തി വാഹനം ചാര്‍ജ് ചെയ്യുകയായിരുന്നു. ചാര്‍ജിലിട്ട് വാഹനം ഓഫ് ചെയ്ത് ഉള്ളില്‍ ഇരിക്കുകയായിരുന്നു. ഇതിനിടെ 59ശതമാനം ചാര്‍ജ് ആയപ്പോള്‍ ചാര്‍ജിങ് ഡിസ്കണക്ട‍ഡ് എന്ന മേസേജ് വന്നു.
Whatsapp Group 1 | Whatsapp Group 2 |Telegram Group
ഇതോടെ കാറില്‍ നിന്ന് ഗണ്‍ എടുത്തശേഷം തിരിച്ച്‌ ചാര്‍ജിങ് സ്റ്റേഷനിലേ സോക്കറ്റില്‍ വെക്കുന്നതിനിടെയാണ് അപകടമുണ്ടായത്. ഗണ്‍ തിരിച്ചുവെക്കുന്നതിനിടെ വലിയ ശബ്ദവും പ്രകാശവും ഉണ്ടായി. ഉടനെ തന്നെ ഷോക്കേറ്റ് താൻ തെറിച്ച്‌ വീഴുകയായിരുന്നു. ശ്വാസം പോലും കിട്ടാത അത്രയും ഞെട്ടിപ്പോയി. ഇടതേ കാലിനും കൈവിരലിലുമാണ് ഷോക്കേറ്റത്.
സംഭവം നടക്കുമ്ബോള്‍ സമീപത്ത് ആരുമുണ്ടായിരുന്നില്ലെന്നും പൊലീസില്‍ പരാതി നല്‍കിയശേഷം കെഎസ്‌ഇബി അധികൃതര്‍ വന്നിരുന്നുവെന്നും സംഭവത്തെക്കുറിച്ച്‌ അന്വേഷിക്കുമെന്നാണ് അറിയിച്ചതെന്നും സ്വപ്ന പറഞ്ഞു.സംഭവത്തില്‍ വീട്ടമ്മ പറവൂർ പൊലീസില്‍ പരാതി നല്‍കി. അതേസമയം,ഷോക്കേല്‍ക്കാൻ കാരണമെന്തെന്ന് അന്വേഷിക്കുകയാണെന്ന് കെഎസ്‌ഇബി അധികൃതർ അറിയിച്ചു.
