ഈരയിൽകടവ് പാടശേഖരത്ത് വൻ തീപിടുത്തം; ഏക്കർ കണക്കിന് പാടത്ത് തീ പടർന്നതോടെ പ്രദേശമാകെ പുകയിൽ മുങ്ങി

സ്വന്തം ലേഖിക

കോട്ടയം: കോട്ടയം ഈരയിൽകടവ് പാടശേഖരത്ത് വൻ തീപിടുത്തം.
ഏക്കർ കണക്കിന് പാടത്തിനാണ് തീ പടർന്നു പിടിച്ചത്.

ഉണങ്ങിയ പുല്ലിന് തീപിടിച്ച് പടർന്നതാണെന്ന് നാട്ടുകാർ പറഞ്ഞു.
ഫയർഫോഴ്സ് എത്തി തീ അണയ്ക്കാൻ ശ്രമിച്ചെങ്കിലും പാടശേഖരത്തിൻ്റെ മദ്ധ്യഭാഗത്തേക്കെത്താൻ ബുദ്ധിമുട്ടി

തീ ആളി പടർന്നതോടെ സമീപത്തെ ജനവാസ മേഖലകളിലേക്കും, റെയിൽവേ ട്രാക്കിലേക്കും പുക പടർന്നത് യാത്രകാർക്കും ജനങ്ങൾക്കും ഏറെ ബുദ്ധിമുട്ടായി. പ്രദേശമാകെ പുകയിൽ മുങ്ങിയിരിക്കുകയാണ്.