ദുബായില്‍ വന്‍ തീപിടുത്തം; രണ്ട് മലയാളികളടക്കം 15 പേര്‍ മരിച്ചു; ഷോര്‍ട്ട് സര്‍ക്യൂട്ടെന്ന് പ്രാഥമിക നിഗമനം

സ്വന്തം ലേഖിക

ദുബായ്: ദുബായിലെ ദെയ്‌റ നായിഫില്‍ വന്‍ തീപിടുത്തം ഉണ്ടായി.

രണ്ട് മലയാളികള്‍ അടക്കം പതിനഞ്ചോളം പേര്‍ മരിച്ചതായാണ് റിപോര്‍ട്ടുകള്‍ പുറത്തുവരുന്നത്.

മലപ്പുറം വേങ്ങര സ്വദേശി കാളങ്ങാടന്‍ റിജേഷ് (37) ഭാര്യ ജിഷി (32) എന്നിവരാണ് മരിച്ച മലയാളികള്‍.

ദെയ്‌റ ഫിര്‍ജ് മുറാറിലെ കെട്ടിടത്തില്‍ ശനിയാഴ്ച ഉച്ചയോടെ ആയിരുന്നു തീപിടുത്തം. ഷോര്‍ട്ട് സര്‍ക്യൂട്ടിനെ തുടര്‍ന്നാണ് തീപിടുത്തം ഉണ്ടായതെന്നാണ് പ്രാഥമിക നിഗമനം.