സ്ത്രീധനം ആവശ്യപ്പെട്ട് നിരന്തര പീഡനം ; ഗാർഹികപീഡനക്കേസില്‍ ജാമ്യത്തിലിറങ്ങി മുങ്ങിയ പ്രതിയെ 30 വർഷങ്ങള്‍ക്കുശേഷം പിടികൂടി

കല്പറ്റ : ഗാർഹികപീഡനക്കേസില്‍ ജാമ്യത്തിലിറങ്ങി മുങ്ങിയയാളെ 30 വർഷങ്ങള്‍ക്കുശേഷം പിടികൂടി.

മുട്ടില്‍ മാണ്ടാട് തടത്തില്‍ അബൂബക്കർ (60) ആണ് അറസ്റ്റിലായത്. മലപ്പുറത്തുനിന്നാണ് ഇയാള്‍ പിടിയിലായത്.

1994-ല്‍ ഭാര്യയെ വീട്ടില്‍വെച്ച്‌ അടിച്ചും ചവിട്ടിയും ദേഹോപദ്രവം ഏല്‍പ്പിച്ചും സ്ത്രീധനമാവശ്യപ്പെട്ടും പീഡിപ്പിച്ച കേസിലാണ് ഇയാള്‍ ജാമ്യത്തിലിറങ്ങി മുങ്ങിയത്. മലപ്പുറം ചന്തപറമ്ബില്‍ എന്ന സ്ഥലത്ത് മറ്റൊരു വിവാഹം കഴിച്ച്‌ ഒളിവില്‍ക്കഴിഞ്ഞുവരുകയായിരുന്നു.

ഇൻസ്പെക്ടർ എസ്.എച്ച്‌.ഒ. എ.യു. ജയപ്രകാശിന്റെ നേതൃത്വത്തിലാണ് ഇയാളെ അറസ്റ്റുചെയ്തത്. സി.പി.ഒ.മാരായ സാജിദ്, സാഹിർ എന്നിവരും സംഘത്തിലുണ്ടായിരുന്നു.