തിരുനക്കരയിൽ ദേശാഭിമാനി ദിനപത്രത്തിന്റെ വാർഷിക സമ്മേളത്തിനായി കൊണ്ടുവന്ന ഓട്ടുവിളക്ക് മോഷ്ടിച്ചു; കേസിൽ നാല് പേർ പോലീസ് പിടിയിൽ

സ്വന്തം ലേഖിക

കോട്ടയം: ഓട്ടുവിളക്ക് മോഷ്ടിച്ച കേസിൽ നാലുപേർ പോലീസ് പിടിയിൽ.

ദേശാഭിമാനി പത്രത്തിന്റെ 80-ാം വാർഷിക സമ്മേളത്തിന്റെ മുന്നൊരുക്കങ്ങൾക്കു വേണ്ടി കോട്ടയം തിരുനക്കര മൈതാനത്ത് സ്റ്റേജിന്റെ പുറകുവശത്തെ ഗ്രീൻ റൂമിൽ സൂക്ഷിച്ചിരുന്ന ഒന്നര മീറ്റർ പൊക്കവും 10-20 കിലോ തൂക്കം വരുന്ന ഓട്ടു വിളക്കാണ് മോഷ്ടിച്ചത്.

തുടർന്ന് ജില്ലാ പോലീസ് മേധാവി കെ.കാ‍ർത്തിക്കിന്റെ‍ നേതൃത്വത്തിലുള്ള പോലീസ് സംഘം സി.സി.ടി.വി കേന്ദ്രീകരിച്ച് നടത്തിയ ശാസ്ത്രിയ അന്വേഷണത്തിൽ കോട്ടയം പുതുപ്പള്ളി വില്ലേജ് മാമ്മൂട്ടിൽ വീട്ടിൽ വിശ്വനാഥൻ മകൻ ദിപിൻ വിശ്വം (33), കാഞ്ഞിരപ്പള്ളി വില്ലേജ്, കാളകെട്ടി ഭാഗം കൊട്ടാരമറ്റം വീട്ടിൽ മജീദ് മകൻ നസീർ (39), ഇടുക്കി കരുണാപുരം ബാലഗ്രാം ഭാഗം ആറ്റുപുറമ്പോക്ക് വീട്ടിൽ ഗോപാലൻ മകൻ ബാബു ചുണ്ടെലി ബാബു (48), ഉടുമ്പൻ ചോല അമ്പലമേട് ഭാഗത്ത് മറ്റപ്പള്ളിൽ വീട്ടിൽ സുകുമാരൻ മകൻ സോബിൻ എം.എസ് (അനീഷ് -30) എന്നിവരെയാണ് അറസ്റ്റ് ചെയ്തത്.

കോട്ടയം വെസ്റ്റ് പോലീസ് സ്റ്റേഷൻ എസ്.എച്ച്.ഓ പ്രശാന്ത് കുമാർ കെ. ആർ , എസ്.ഐ ശ്രീജിത്ത് ടി , സി പി.ഓ ബിജു ഇ റ്റി എന്നിവരും പോലീസ് സംഘത്തിൽ ഉണ്ടായിരുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.