മാന്നാനം സെന്‍റ് ജോസഫ്സ് ടീച്ചേഴ്സ് ട്രെയിനിംഗ് കോളജ് കോളജ് പ്രിൻസിപ്പലിന് നേരേ വധശ്രമം; ഏറ്റുമാനൂർ കോണ്‍ഗ്രസ് മണ്ഡലം പ്രസിഡന്‍റ് ജോയി പൂവംനില്‍ക്കുന്നേലിനെതിരെ പരാതി

ഏറ്റുമാനൂർ: മാന്നാനം സെന്‍റ് ജോസഫ്സ് ടീച്ചേഴ്സ് ട്രെയിനിംഗ് കോളജ് പ്രിൻസിപ്പല്‍ ഡോ. കെ.എം. ബെന്നിയെ വീടിന്‍റെ മുന്നില്‍ വച്ച്‌ വധിക്കാൻ ശ്രമിച്ചതായി പരാതി.

ഏറ്റുമാനൂർ കോണ്‍ഗ്രസ് മണ്ഡലം പ്രസിഡന്‍റ് ജോയി പൂവംനില്‍ക്കുന്നേലിനെതിരേയാണ് ഡോ. കെ.എം. ബെന്നി ജില്ലാ പോലീസ് മേധാവിക്ക് പരാതി നല്‍കിയത്.

അപകടകരമായി വാഹനം ഇടിപ്പിക്കാനും ആയുധവുമായി ആക്രമിക്കാനും ശ്രമിച്ചതായാണ് പരാതി.

വധശ്രമത്തിന് കേസെടുക്കണമെന്നും തനിക്കും തന്‍റെ കുടുംബത്തിനും സംരക്ഷണം നല്‍കണമെന്നും ഡോ. കെ.എം. ബെന്നി പരാതിയില്‍ ആവശ്യപ്പെട്ടു.