ബൈക്കിൽ യാത്ര ചെയ്യുന്നതിനിടെ ​വൈദ്യുതി പോസ്റ്റ് വീണ് ​യുവാവ് മരിച്ചു; അ‌പകടം ഉപയോഗ ശൂന്യമായ പോസ്റ്റ് മാറ്റുന്നതിനി​ടെ

​സ്വന്തം ലേഖകൻ

കോഴിക്കോട്: ​വൈദ്യുതി പോസ്റ്റ് വീണ് ​ബൈക്ക് യാത്രക്കാരൻ മരിച്ചു. കോഴിക്കോട് നടുവട്ടത്താണ് അ‌പകടം. ബേപ്പൂർ സ്വദേശി അർജുൻ (22) ആണ് മരിച്ചത്. ഉച്ചയ്ക്ക് ഒരുമണിയോടെയാണ് സംഭവം.

ഉപയോഗമില്ലാത്ത പോസ്റ്റ് മാറ്റുന്നതിനിടെയാണ് അ‌പകടമുണ്ടായത്. റോഡിലൂടെ ​ബൈക്കിൽ പോകുമ്പോഴാണ് ​വൈദ്യുതി പോസ്റ്റ് വീണത്.ബൈക്കിന്റെ പിന്നിലിരുന്നു യാത്രചെയ്യുന്നതിനിടെ അർജുന്റെ മുകളിലേയ്ക്ക് പോസ്റ്റ് വീഴുകയായിരുന്നു.

ഉടൻതന്നെ താലൂക്ക് ആശുപത്രിയിലും പിന്നീട് മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല.സംഭവത്തിൽ കെ.എസ്.ഇ.ബി ജീവനക്കാരുടെ ഭാഗത്തുനിന്ന് ഗുരുതര വീഴ്ചയുണ്ടായെന്നാരോപിച്ച് നാട്ടുകാർ റോഡ് ഉപരോധിച്ചു.