പശുവിന്റെ കയർ കുടുങ്ങി ബൈക്ക് മറിഞ്ഞ് അയ്മനം സ്വദേശിക്ക് ദാരുണാന്ത്യം; പിന്‍സീറ്റില്‍ യാത്ര ചെയ്തിരുന്ന യുവതിക്കും പരിക്ക്; ബൈക്കിൽ കുരുങ്ങിയത് റോഡ് സൈഡിൽ കെട്ടിയിരുന്ന പശുവിന്റെ കയർ

സ്വന്തം ലേഖകൻ

അയ്മനം: പശുവിന്റെ കയർ കുടുങ്ങി ബൈക്ക് മറിഞ്ഞു യുവാവ് മരിച്ചു. പുതുച്ചിറ സാബുവിന്റെ മകൻ അരുണാ(27)ണു മരിച്ചത്. ഇന്നലെ തിങ്കളാഴ്ച വൈകുന്നേരം ഐക്കരച്ചിറ-കല്ലുങ്കത്ര റോഡിൽ ശ്മാശാനത്തിനുസമീപമാണ് അപകടം.

റോഡ് സൈഡിൽ കെട്ടിയിരുന്ന പശുവിന്റെ കയർ ബൈക്കിൽ കുരുങ്ങി മറിയുകയായിരുന്നു. ഗുരുതരമായി പരിക്കേറ്റ അരുണിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ഇന്നലെ രാവിലെ മരണപ്പെട്ടു. തലയ്ക്കാണ് പരിക്കേറ്റത്.

പിന്‍സീറ്റില്‍ യാത്ര ചെയ്തിരുന്ന യുവതിക്കും പരിക്കേറ്റു. അരുണിന്റെ സംസ്‌കാരം നാളെ ഒളശ സെന്റ് മാർക്‌സ് സിഎസ്‌ഐ പള്ളിയിൽ. മാതാവ്: രാജമ്മ. സഹോദരങ്ങൾ: സരുൺ, കിരൺ.