ബാലരാമപുരത്ത് കാറിടിച്ച്‌ സ്കൂട്ടർ യാത്രക്കാരനായ എംവിഡി ഉദ്യോഗസ്ഥൻ മരിച്ചു; കാർ ഡ്രൈവർ കസ്റ്റഡിയിൽ

തിരുവനന്തപുരം: സ്കൂട്ടറിൽ സഞ്ചരിക്കുകയായിരുന്ന മോട്ടോർ വാഹന വകുപ്പ് ഉദ്യോഗസ്ഥൻ കാറിടിച്ച്‌ മരിച്ചു. കല്ലിയൂർ പെരിങ്ങമ്മല സാഫല്യത്തിൽ എസ്. മധു(47) ആണ് മരിച്ചത്. വഴുതയ്ക്കാട് ട്രാൻസ്പോർട്ട് കമ്മീഷണറേറ്റിലെ ജീവനക്കാരനും തെരഞ്ഞെടുപ്പ് ബൂത്ത് ലെവൽ ഓഫീസറുമായിരുന്നു.

Link

Embed

Copy and paste this HTML code into your webpage to embed.

ബാലരാമപുരം ഉച്ചക്കട റോഡിലെ സിസിലിപുരം റോഡിൽ നടന്ന അപകടത്തിൽ വിഴിഞ്ഞം ഭാഗത്ത് നിന്ന് എത്തിയ കാർ എതിർദിശയിൽ വന്ന മധു സഞ്ചരിച്ച സ്കൂട്ടറിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ മധുവിന് തലയ്ക്കും ശരീരത്തിനും ഗുരുതരമായി പരിക്കേറ്റു.

നാട്ടുകാർ ചേർന്ന് ആംബുലൻസിൽ മെഡിക്കൽ കോളജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ വിഴിഞ്ഞം പൊലീസ് കേസെടുത്തു. കാർ ഡ്രൈവറെ കസ്റ്റഡിയിലെടുത്തിട്ടുണ്ട്.