നിർഭയ കേസിലെ പ്രതികളെ തൂക്കിലേറ്റാൻ ആരാച്ചാരെത്തി

സ്വന്തം ലേഖകൻ

Link

Embed

Copy and paste this HTML code into your webpage to embed.

ഡൽഹി: നിർഭയ കേസിലെ പ്രതികളെ തൂക്കിലേറ്റാൻ ആരാച്ചാരെത്തി. മീററ്റ് ജയിലിലെ ആരാച്ചാർ പവൻ ജല്ലാദ് ആണ് ചുമതലയേറ്റത്. ഭാരവും ബലവും കൃത്യമാക്കാൻ ഡമ്മി ഉപയോഗിച്ചുള്ള പരിശോധന വെള്ളിയാഴ്ച നടത്തുമെന്ന് അധികൃതർ അറിയിച്ചു.

ഇന്ദിരാഗാന്ധി വധക്കേസ് പ്രതികളുടെ വധശിക്ഷ നടപ്പാക്കിയ കല്ലു ജല്ലാദിന്റെ ചെറുമകനാണു പവൻ. കൊടുംകുറ്റവാളികളായ രംഗ, ബില്ല എന്നിവരുടെ വധശിക്ഷ നടപ്പാക്കിയതും ഇദ്ദേഹമാണ്. അഞ്ച് വധശിക്ഷകളിൽ മുത്തച്ഛനൊപ്പം താൻ സഹായിയായിരുന്നെന്നും പവൻ വ്യക്തമാക്കുന്നുണ്ട്.

നിർഭയ കേസിൽ നാലു പ്രതികളെയും വധശിക്ഷയ്ക്കു വിധേയരാക്കുതിനായി മരണവാറന്റ് പുറപ്പെടുവിച്ചിരുന്നു. പ്രതികളെ തൂക്കിലേറ്റാൻ ആരാച്ചാരെ നൽകണമെന്ന് തിഹാർ ജയിൽ അധികൃതർ യുപി സർക്കാരിനോട് അഭ്യർഥിച്ചതിന്റെ പശ്ചാത്തലത്തിലാണ് ഇപ്പോൾ മീററ്റ് ജയിലിൽ നിന്ന് ആരാച്ചാരെ വിട്ടുനൽകിയിരിക്കുന്നത്.