നടി ആക്രമിക്കപ്പെട്ട കേസിലെ നിർണായക തെളിവായ മെമ്മറി കാര്ഡ് ഹാജരാക്കാൻ നിർദേശം നല്കി ഹൈക്കോടതി.
മെമ്മറി കാര്ഡും പെന്ഡ്രൈവും നേരിട്ട് ഹാജരാക്കണമെന്ന് കോടതി ആവശ്യപ്പെട്ടു. അതിജീവിതയുടെ ആവശ്യം പ്രഥമദൃഷ്ട്യാ നിലനില്ക്കുമെന്നും ഹൈക്കോടതി അറിയിച്ചു. മെമ്മറി കാർഡ് പരിശോധനയില് പുനരന്വേഷണം ആവശ്യപ്പെട്ട് അതിജീവിത നല്കിയ ഹർജിയിലാണ് ഹൈക്കോടതിയുടെ നിരീക്ഷണം.
ഹൈക്കോടതിയുടെ മേല്നോട്ടത്തില് ഫൊറൻസിക് വിദഗ്ധരെ ഉള്പ്പെടുത്തി അന്വേഷണം വേണമെന്നാണ് അതിജീവിതയുടെ ആവശ്യം. നിയമവിരുദ്ധമായി മെമ്മറി കാർഡ് തുറന്നു പരിശോധിച്ചെന്ന വിഷയത്തില് എറണാകുളം ജില്ലാ സെഷൻസ് ജഡ്ജി നല്കിയ അന്വേഷണ റിപ്പോർട്ട് വസ്തുതാ വിരുദ്ധവും നിയമപരമായി നിലനില്ക്കാത്തതുമാണെന്ന് കാണിച്ചാണ് ഹർജി നല്കിയിട്ടുള്ളത്.
Whatsapp Group 1 | Whatsapp Group 2 |Telegram Group
നടിയെ ആക്രമിച്ച കേസില് അതിജീവിതയുടെ ഹര്ജി ഫയലില് സ്വീകരിച്ചു. കേസ് കോടതിയുടെ പരിഗണനയിലിരിക്കെ മൂന്നു തവണ മെമ്മറി കാർഡ് തുറന്നു പരിശോധിച്ചതായി ഫോറൻസിക് പരിശോധനയില് വ്യക്തമായിരുന്നു.
