ബൈക്കിൽ നിന്ന് വീണ് പരിക്കേറ്റ വീട്ടമ്മ മരിച്ചു ; കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം

ഗാന്ധിനഗർ: ബൈക്കിൽ നിന്ന് വീണ് പരിക്കേറ്റ് കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന വീട്ടമ്മ മരിച്ചു.

പത്തനംതിട്ട നാറാണംമൂഴി കുരുമ്ബൻമൂഴി ചരിവുപറമ്ബില്‍ സുലൈമാന്‍റെ ഭാര്യ സഫിയ (52) ആണ് മരിച്ചത്. തിങ്കളാഴ്ച രാവിലെ ബന്ധുവിന്‍റെ ബൈക്കിന്‍റെ പുറകിലിരുന്നു സഞ്ചരിക്കുന്നതിനിടെയാണ് അപകടം.

സംഭവത്തെ തുടർന്ന് പരിക്കേറ്റ് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ഇവർ ഇന്നലെ രാവിലെ മരണപ്പെട്ടു. കറുകച്ചാല്‍ പോലീസ് മേല്‍നടപടി സ്വീകരിച്ചു. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കള്‍ക്ക് കൈമാറി. മകൻ: അല്‍ അമീൻ

കോട്ടയം നഗരമധ്യത്തിൽ ടോറസ് ലോറി തലയിലൂടെ കയറിയിറങ്ങി ബൈക്ക് യാത്രക്കാരൻ മരിച്ചു അപകടം നടന്നത് പുളിമൂട് ജംഗ്ഷനിൽ: മരിച്ചത് നഗരത്തിലെ മെത്തക്കട ജീവനക്കാരൻ അഷറഫ്

 സ്വന്തം ലേഖകൻ

കോട്ടയം: നഗരമധ്യത്തിൽ കെ.കെ റോഡിൽ പുളിമൂട് ജംഗ്ഷനിൽ ടോറസ് ലോറി തലയിലൂടെ കയറിയിറങ്ങി ബൈക്ക് യാത്രക്കാരനായ വ്യാപാരസ്ഥാപനത്തിലെ ജീവനക്കാരൻ മരിച്ചു. ടിബി റോഡിലെ വ്യാപാരിയായ അഷറഫാണ് മരിച്ചത്. ടി ബി റോഡിലെ ന്യൂ കേരള ക്വയർ സ്റ്റോഴ്സ് ജീവനക്കാരനാണ്.

കൈനറ്റിക്ക് ഹോണ്ട സ്കൂട്ടറിൽ സഞ്ചരിക്കുകയായിരുന്ന ഇദേഹത്തിനെ പിന്നിലൂടെ എത്തിയ ടോറസ് ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ അദേഹത്തിന്റെ തലയിലൂടെ ടോറസ് ലോറി കയറിയിറങ്ങി.

ഓടിക്കൂടിയ നാട്ടുകാർ കണ്ടത് തലയില്ലാതെ റോഡിൽ കിടക്കുന്ന മൃതദേഹമാണ്. ഉടൻ വിവരമറിഞ്ഞ് അഗ്നി രക്ഷാ സേനയും പൊലീസും സ്ഥലത്ത് എത്തി. അഗ്നി രക്ഷാ സേനയുടെ ആംബുലൻസിലാണ് മൃതദേഹം മെഡിക്കൽ കോളജ് ആശുപത്രി മോർച്ചറിയിലേയ്ക്ക് മാറ്റിയത്. വാഹനത്തിലുണ്ടായിരുന്ന ഫോട്ടോ കണ്ടാണ് മരിച്ചത് അഷറഫാണ് എന്ന് തിരിച്ചറിഞ്ഞത്. കൊടുങ്ങല്ലൂർ സ്വദേശിയായ അഷറഫ് ബോട്ട് ജെട്ടിയിലാണ് താമസിക്കുന്നത്. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ.