സ്ത്രീകളുടെ പ്രത്യുത്പാദന പ്രായത്തില് സാധാരണമായി കണ്ടുവരുന്ന ഹോർമോൺ അസന്തുലിതാവസ്ഥയാണ് പോളിസിസ്റ്റിക് ഓവറി സിൻഡ്രോം (PCOS). ഇത് സമയത്ത് തിരിച്ചറിഞ്ഞ് നിയന്ത്രിച്ചില്ലെങ്കില് വന്ധ്യത, പ്രമേഹം, ഹൃദ്രോഗം പോലുള്ള ഗുരുതര ആരോഗ്യപ്രശ്നങ്ങളിലേക്ക് നയിക്കാനുള്ള സാധ്യതയുണ്ട്. എന്നാല് ജീവിതശൈലിയിലെ ചെറിയ മാറ്റങ്ങൾ—നിയമിത വ്യായാമം, സമതുലിതമായ ഭക്ഷണക്രമം, ശരീരഭാരം നിയന്ത്രണം—ഇവയിലൂടെ ലക്ഷണങ്ങളെ വലിയ തോതില് നിയന്ത്രിക്കാനാകും.
ചികിത്സയുടെ ഭാഗമായും, ഈസ്ട്രജൻ-പ്രോജസ്റ്റിൻ ഹോർമോണുകള് അടങ്ങിയ ഗർഭനിരോധന ഗുളികകള് വ്യാപകമായി ഉപയോഗിക്കുന്നു. ഇവ ശരീരത്തിലെ അധിക ആൻഡ്രജൻ (പുരുഷ ഹോർമോൺ) നില കുറയ്ക്കുകയും ആർത്തവചക്രം ക്രമപ്പെടുത്തുകയും ചെയ്യുന്നു. കൂടാതെ, ഗർഭാശയ പാളി ശരിയായ രീതിയില് പുറത്തേക്കൊഴുകാന് സഹായിക്കുന്നതിനാല് എൻഡോമെട്രിയൽ ക്യാൻസറിന്റെ സാധ്യത കുറയ്ക്കാനും ഇവ സഹായകമാണ്.
എങ്കിലും, ഈ മരുന്നുകൾ ഡോക്ടറുടെ നിർദേശപ്രകാരം മാത്രമേ ഉപയോഗിക്കാവൂ. തുടക്ക ഘട്ടങ്ങളില് ചിലര്ക്ക് ഓക്കാനം, തലവേദന, സ്തനവേദന, ഭാരം മാറല്, മാനസികാവസ്ഥയിലെ വ്യതിയാനങ്ങള് തുടങ്ങിയ പാര്ശ്വഫലങ്ങള് അനുഭവപ്പെടാം. പ്രത്യേകിച്ച് പുകവലിക്കുന്നവര്, അമിതഭാരമുള്ളവര്, ഉയർന്ന രക്തസമ്മര്ദ്ദമോ പ്രമേഹമോ ഉള്ളവര് എന്നിവരില് രക്തം കട്ടപിടിക്കുന്നതിനും ഹൃദയസംബന്ധമായ സങ്കീര്ണ്ണതകള്ക്കും സാധ്യത കൂടുതലാണ്. ചില പഠനങ്ങള് പ്രകാരം, ഇത്തരം ഗുളികകള് ചിലരില് വിഷാദം പോലുള്ള മാനസികാരോഗ്യ പ്രശ്നങ്ങള്ക്കും കാരണമായേക്കാം.
Whatsapp Group 1 | Whatsapp Group 2 |Telegram Group
അതുകൊണ്ട്, സുരക്ഷിതവും ഫലപ്രദവുമായ ചികിത്സയ്ക്കായി വൈദ്യപരമായ മേല്നോട്ടം അനിവാര്യമാണ്.
