കൊച്ചി: കൊച്ചി മേയർ വി.കെ. മിനിമോൾ, വൈപ്പിൻ എം.എൽ.എ ടോണി ചമ്മണി, കെ.പി.സി.സി സെക്രട്ടറി തമ്പി സുബ്രഹ്മണ്യൻ എന്നിവർക്കെതിരെ എറണാകുളം എ.സി.ജെ.എം കോടതി അറസ്റ്റ് വാറണ്ട് പുറപ്പെടുവിച്ചു. വഴി തടഞ്ഞ് സമരം നടത്തിയ കേസിൽ തുടർച്ചയായി കോടതിയിൽ ഹാജരാകാതിരുന്നതിനെ തുടർന്നാണ് കോടതി നടപടി സ്വീകരിച്ചത്.
ഇതിനിടെ, റോഡ് നവീകരിക്കാമെന്ന് വാഗ്ദാനം നൽകി മൂന്ന് ലക്ഷം രൂപ തട്ടിയെടുത്തെന്ന പരാതിയുമായി ബന്ധപ്പെട്ട കേസിലും കൊച്ചി മേയർക്ക് തിരിച്ചടിയുണ്ടായി. അഴിമതി നിരോധന നിയമപ്രകാരം മേയർക്കെതിരെ അന്വേഷണം നടത്താൻ ആവശ്യമായ പ്രോസിക്യൂഷൻ അനുമതി തേടണമെന്ന് മൂവാറ്റുപുഴ വിജിലൻസ് കോടതി സർക്കാരിനോട് നിർദേശിച്ചിരുന്നു.
വിജിലൻസ് കോടതിയുടെ ഉത്തരവിന്റെ അടിസ്ഥാനത്തിൽ ഹർജിക്കാരൻ സർക്കാരിന് പ്രോസിക്യൂഷൻ അനുമതി ആവശ്യപ്പെട്ട് അപേക്ഷ സമർപ്പിച്ചിട്ടുണ്ട്. ഈ സംഭവവികാസങ്ങൾക്കിടെയാണ് സമരക്കേസിൽ കോടതി മേയറും മറ്റ് രണ്ട് നേതാക്കളുംക്കെതിരെ അറസ്റ്റ് വാറണ്ട് പുറപ്പെടുവിച്ചിരിക്കുന്നത്.
Whatsapp Group 1 | Whatsapp Group 2 |Telegram Group
