ഫ്ലോറിഡ: ലോകകപ്പ് ഗ്രൂപ്പ് റൗണ്ടിലെ അവസാന പോരില് സ്കോട്ട്ലാൻഡിനെ തകർത്തെറിഞ്ഞ് ബ്രസീലിയൻ തേരോട്ടം.
എതിരില്ലാത്ത മൂന്ന് ഗോളിനാണ് കാനറികള് യൂറോപ്പിന്റെ കരുത്തുമായി എത്തിയ സ്കോട്ടിഷ് പടയെ തുരത്തിയത്.
ബ്രസീലിന് വേണ്ടി വിനി ജൂനിയര് രണ്ട് ഗോളും മത്യേയൂസ് കൂഞ്ഞ ഒരു ഗോളും പേരിലാക്കി.
സ്കോട്ട്ലൻഡിന്റെ പന്തടക്കത്തോടെയാണ് ഒന്നാം പകുതി തുടങ്ങിയത്. ബ്രസീലിനെ തടുത്തുനിർത്തി പന്ത് കാലില് നിർത്താൻ യൂറോപ്യൻ പടയ്ക്ക് സാധിച്ചു.
Whatsapp Group 1 | Whatsapp Group 2 |Telegram Group
എന്നാല്, കളിയുടെ ഗതിമാറാൻ അധിക നേരം വേണ്ടി വന്നില്ല. അമിതാത്മവിശ്വാസത്തോടെ സ്വന്തം ബോക്സിനുള്ളില് പന്ത് തട്ടിയ സ്കോട്ട്ഡലൻഡിന് പിഴച്ചപ്പോള് വിനീഷ്യസ് ജൂനിയറർക്ക് കിട്ടിയത് സുവര്ണാവസരം.
ലോകകപ്പിലെ മൂന്നാം മത്സരത്തിലും തുടർച്ചയായി ഗോള് നേടി റയല് മാഡ്രിഡിന്റെ സ്റ്റാര് ബോയ് അനായാസം വലചലിപ്പിച്ചു. ബ്രസീലിന്റെ ഒറ്റപ്പെട്ട നീക്കങ്ങളും സ്കോട്ട്ലാൻഡിന്റെ പൊസഷൻ ഗെയിമുമായി മത്സരം വീണ്ടും മുന്നോട്ട് പോയി.
ഇതിനിടെ ആദ്യ ഗോളിന് സമാനമായി സ്കോട്ട്ലാൻഡ് താരത്തിന് സംഭവിച്ച പിഴവ് വിനിക്ക് രണ്ടാം ഗോള് സമ്മാനിച്ചു. പക്ഷേ ബ്രസീലിയൻ ആരവത്തെ നിശബ്ദമാക്കി വാര് തീരുമാനം കാനറികള്ക്ക് എതിരായി. എതിരില്ലാത്ത ഒരു ബ്രസീലിയൻ ഗോളില് ആദ്യ പകുതി അവസാനിക്കുമെന്ന കരുതിയപ്പോള് വിനിയെ തേടി തന്റെ അടുത്ത ഗോള് എത്തി.
ഇത്തവണയും പന്ത് ക്ലിയര് ചെയ്യുന്നതിലെ സ്കോട്ടിഷ് അബദ്ധമാണ് ഗോളിന് വഴിയൊരുക്കിയത്. ബ്രൂണോ ഗുമെയ്റഷിന്റെ പറന്നിറങ്ങിയ ക്രോസില് വിനിക്ക് തലവയ്ക്കേണ്ട കാര്യം മാത്രമേ ഉണ്ടായിരുന്നുള്ളൂ.
