തൃശൂർ: ചേലക്കരയില് ഓപ്പറേഷൻ തൂഫാനിടെ പൊലീസ് ഉദ്യോഗസ്ഥന് പരുക്ക്. ചേലക്കര സ്റ്റേഷനിലെ സിപിഒ മനുവിനാണ് പരുക്കേറ്റത്.
ലഹരി സംഘത്തെ ഓടിച്ചിട്ട് പിടിക്കുന്നതിനിടെ വീണ് പരുക്കേല്ക്കുന്നത്. മുഖത്ത് അടക്കം പരിക്കേല്ക്കുകയായിരുന്നു. പരിക്കേറ്റ മനുവിനെ ചേലക്കര താലൂക്ക് ആശുപത്രിയിലും, തുടർന്ന് തൃശ്ശൂർ മെഡിക്കല് കോളജിലും പ്രവേശിപ്പിച്ചു.
ലഹരി ഉപയോഗിക്കുന്ന സംഘം വ്യാപകമാണെന്ന പരാതിയെ തുടർന്നാണ് പൊലീസ് സംഘം പരിശോധനയ്ക്ക് എത്തിയത്. തുടർന്ന് ലഹരി ഉപയോഗിക്കുന്ന മൂന്ന് പേരെ കണ്ടെത്തുകയായിരുന്നു. ഇവരെ ഓടിച്ചിട്ട് പിടിക്കുന്നതിനിടെയാണ് പൊലീസ് ഉദ്യോഗസ്ഥന് പരുക്കേറ്റത്.
Whatsapp Group 1 | Whatsapp Group 2 |Telegram Group
മൂന്നു പ്രതികളില് രണ്ടുപേരെ പൊലീസ് പിടികൂടി ഒരാള് ഓടി രക്ഷപ്പെട്ടു. പിടിയിലായ പുലാക്കോട് കുട്ടാടൻ സ്വദേശികളായ അരുണ്, സുബിൻ എന്നീ പ്രതികളുടെ കയ്യില് നിന്നും ഏകദേശം ഒരു ഗ്രാമോളം വരുന്ന ഹാഷിഷ് ഓയില് പിടികൂടി.
