തേവര പാലത്തിൽ അപകടം; നിയന്ത്രണം വിട്ട ലോറി പാലത്തിന്റെ കൈവരിയിലേക്ക് ഇടിച്ചു കയറി; ഡ്രൈവർക്ക് പരിക്ക്

കൊച്ചി: തേവര പാലത്തിന്റെ കൈവരിയിലേക്ക് ലോറി ഇടിച്ചു കയറി. കൈവരി തകർത്ത ലോറി താഴേക്ക് വീഴും വിധം തൂങ്ങിക്കിടക്കുന്നു.

Link

Embed

Copy and paste this HTML code into your webpage to embed.

തോപ്പുംപടിയിൽനിന്ന് കൊച്ചി നഗരത്തിലേക്ക് മാലിന്യം കയറ്റിവന്ന ലോറിയാണ് തേവരപാലത്തിൽ അപകടത്തിൽപ്പെട്ടത്. എങ്ങനെയാണ് അപകടം ഉണ്ടായത് എന്നത് സംബന്ധിച്ച വിവരം ലഭ്യമല്ല. നിയന്ത്രണംവിട്ട് കൈവരി തകർത്തതാകാമെന്നാണ് പ്രാഥമിക വിവരം.

ലോറിയുടെ പകുതിയോളം ഭാഗം കായലിലേക്ക് ഉന്തിനിൽക്കുന്ന നിലയിലാണ്. ക്രെയിൻ ഉപയോഗിച്ച് ലോറി ഉയർത്താൻ ശ്രമം. പരിക്കേറ്റ ഡ്രൈവർ ചികിത്സയിൽ. ട്രാഫിക് പോലീസും ഫയർഫോഴ്സും സംഭവസ്ഥലത്തെത്തിയിട്ടുണ്ട്.