തിരുവനന്തപുരം : സി.പി.ഐ.എം ജില്ലാ സെക്രട്ടേറിയറ്റില് തനിക്കെതിരെ ഉയർന്ന രൂക്ഷമായ പരാമർശങ്ങളില് വി. ശിവൻകുട്ടിക്കെതിരെ ആര്യ രാജേന്ദ്രൻ.
തന്നെ വ്യക്തിപരമായി തേജോവധം ചെയ്യാനാണ് ശിവൻകുട്ടി ശ്രമിക്കുന്നതെന്നും അദ്ദേഹം നടത്തിയ പരാമർശങ്ങള് തികച്ചും തെറ്റാണെന്നും ആര്യ വ്യക്തമാക്കി.
ജില്ലാ സെക്രട്ടേറിയറ്റില് തനിക്കെതിരെ ഉയർന്ന വിമർശനങ്ങള് മാധ്യമങ്ങളില് വാർത്തയായ സാഹചര്യത്തില് വി. ശിവൻകുട്ടി തന്നെ അത് തിരുത്തി വിശദീകരിക്കണമെന്ന് ആര്യ ആവശ്യപ്പെട്ടു. മുതിർന്ന നേതാക്കള് പാർട്ടിയിലെ പുതിയ തലമുറയോട് ഇത്തരത്തിലാണോ പെരുമാറേണ്ടതെന്ന് ആര്യ ചോദിച്ചു.
തിരഞ്ഞെടുപ്പ് പരാജയം ചർച്ച ചെയ്ത ജില്ലാ സെക്രട്ടേറിയറ്റ് യോഗത്തിലാണ് ആര്യ രാജേന്ദ്രനെതിരെ ശിവൻകുട്ടി ആഞ്ഞടിച്ചത്.
ആര്യ രാജേന്ദ്രനെ തിരഞ്ഞെടുപ്പ് പ്രചാരണ വാഹനത്തില് കയറ്റിയപ്പോള് സ്ത്രീകള്ക്കിടയില് നിന്ന് വലിയ പ്രതിഷേധമുണ്ടായെന്നും ‘കാറിത്തുപ്പുന്ന’ രീതിയിലായിരുന്നു ജനങ്ങളുടെ പ്രതികരണമെന്നും ശിവൻകുട്ടി യോഗത്തില് പറഞ്ഞിരുന്നു.
Whatsapp Group 1 | Whatsapp Group 2 |Telegram Group
ആര്യയുടെ സാന്നിധ്യം വോട്ട് കുറയുന്നതിന് കാരണമായെന്നും 1400 വോട്ടിന്റെ ലീഡ് പ്രതീക്ഷിച്ച ബൂത്തില് വെറും അഞ്ച് വോട്ടിന്റെ ലീഡ് മാത്രമാണ് ലഭിച്ചതെന്നും അദ്ദേഹം ചൂണ്ടിക്കാട്ടിയിരുന്നു.
