തിരുവനന്തപുരം: വകുപ്പിനെ ചൊല്ലി ഇടഞ്ഞ കെ മുരളീധരനെ അനുനയിപ്പിക്കാൻ കോണ്ഗ്രസിന്റെ ഒത്തുതീർപ്പ്.
മുരളിക്ക് വൈദ്യുതി വകുപ്പിനൊപ്പം ദേവസ്വവും കൂടി നല്കാമെന്നാണ് ഒത്തുതീർപ്പ് ഫോര്മുല. എന്നാല്, ഇതിനോട് സമ്മതം മൂളുമോ എന്ന കാര്യത്തില് വ്യക്തതയില്ല.
യുഡിഎഫ് മന്ത്രിസഭയില് വൈദ്യുതി വകുപ്പ് ലഭിച്ച കെ മുരളീധരൻ കടുത്ത അതൃപ്തിയിലാണ്. വകുപ്പില് എതിർപ്പ് അറിയിച്ച മുരളീധരൻ വൈദ്യുതിയെങ്കില് ചുമതല ഏല്ക്കാനില്ലെന്ന് വ്യക്തമാക്കിയതായാണ് വിവരം.
Whatsapp Group 1 | Whatsapp Group 2 |Telegram Group
നേരത്തെ ആരോഗ്യ വകുപ്പാണ് മുരളീധരൻ പ്രതീക്ഷിച്ചിരുന്നത്. എന്നാല് വി ഡി സതീശൻ മന്ത്രിസഭയില് വകുപ്പുകള് കെ സി വേണുഗോപാല് വിഭാഗം കയ്യടക്കിയതോടെയാണ് മുരളീധരന് വകുപ്പ് നഷ്ടപ്പെട്ടത്.
കെ സി വേണുഗോപാല് വിഭാഗത്തിന്റെ ഭാഗമായ എ.പി. അനില്കുമാറിനാണ് ആരോഗ്യം ലഭിച്ചിരിക്കുന്നത്. 2004-ല് എ കെ ആന്റണി മന്ത്രിസഭയിലും മുരളീധരൻ മൂന്ന് മാസത്തോളം വൈദ്യുതി മന്ത്രിയായിരുന്നു. വീണ്ടും അതേ വകുപ്പ് തന്നെ നല്കിയതിലാണ് അദ്ദേഹം തന്റെ ശക്തമായ വിയോജിപ്പ് നേതൃത്വത്തെ അറിയിച്ചത്.
