ആലപ്പുഴ: വീട്ടമ്മയെ കടന്നുപിടിക്കാൻ ശ്രമിച്ചത് തടഞ്ഞ ഭർത്താവിന്റെ കൈപ്പത്തി വെട്ടിപ്പരിക്കേല്പിച്ച സംഭവത്തിൽ പോലീസിനെ കണ്ട പ്രതി അച്ചൻകോവിലാറ്റില് ചാടി. മുങ്ങിത്താഴാൻ തുടങ്ങിയ ഇയാളെ പൊലീസ് സംഘം സാഹസികമായി രക്ഷപ്പെടുത്തി കരയ്ക്കെത്തിച്ച് അറസ്റ്റ് ചെയ്തു.
പള്ളിപ്പാട് സ്വദേശി ഷിബു (45) ആണ് ഹരിപ്പാട് പൊലീസിന്റെ പിടിയിലായത്.
മാന്നാർ പൊലീസ് സ്റ്റേഷൻ പരിധിയില് 107 പടശേഖരത്തിന് സമീപമുള്ള മോട്ടോർ തറയില് ഷിബു ഒളിവില് കഴിയുന്നതായി പോലീസിന് രഹസ്യവിവരം ലഭിച്ചിരുന്നു.
Whatsapp Group 1 | Whatsapp Group 2 |Telegram Group
ഇതനുസരിച്ച് പൊലീസ് സംഘം കഴിഞ്ഞ ദിവസം സ്ഥലത്തെത്തിയതോടെ പ്രതി ആറ്റിലേക്ക് ചാടുകയായിരുന്നു.
എന്നാല് ആറിന്റെ എല്ലാ വശങ്ങളിലും നേരത്തെ തന്നെ നിലയുറപ്പിച്ച പൊലീസ് ഉദ്യോഗസ്ഥർ പ്രതി രക്ഷപ്പെടില്ലെന്ന് ഉറപ്പുവരുത്തി. ഏറെ നേരം നീന്തിയതിനെത്തുടർന്ന് അവശനായി ആറ്റില് മുങ്ങിപ്പോകാൻ തുടങ്ങിയ ഷിബുവിനെ പൊലീസുകാര് ചേർന്ന് രക്ഷപ്പെടുത്തി കരയ്ക്കെത്തിക്കുകയായിരുന്നു.
